Hannes Hólmsteinn Gissurarson prófessor við Háskóla Íslands segir það talsvert áhyggjuefni að Vesturveldin virðast ekki eins sameinuð og á árum áður en það sé nauðsynlegt til þess að viðhalda friði. Hannes sem var gestur Hauks Haukssonar í síðdegisútvarpinu í dag bendir á að nauðsynlegt sé að njóta aðstoða öflugra ríkja Vesturveldanna til verndar Evrópu “ það er lykillinn að friði og farsæld Evrópu að við fáum aðstoð frá Kanada og Bandaríkjunum sérstaklega sem ráða yfir öflugasta her í heimi og að þau takist á hendur skuldbindingar um að hjálpa Evrópu við varnir Evrópu„,segir Hannes.
