Samstarfsverkefni lögreglunnar og sveitarfélaganna, þar sem ráðist var í átak gegn heimilisofbeldi, hefur vakið athygli út fyrir landsteinana. Í nýrri skýrslu Efnahags og framfarastofnunfar Evrópu er fjallað sérstaklega um samstarfið en í skýrslunni er fjallað um nýsköpunarverkefni sem þykja hafa skarað fram úr. Efnahags- og framfarastofnunin valdi íslenska samstarfsverkefnið jafnframt sem fyrirmynd af því hvernig hægt er að breyta rótgrónu kerfi til hins betra. Fram kemur í tilkynningu að slíkt sé hvorki auðvelt né sjálfsagt og því eru þeir sem að samstarfsverkefninu komu afar ánægðir með árangurinn fram til þessa.Í skýrslunni er greint frá því hvernig lögreglan og sveitarfélögin tóku upp nýtt verklag í þessum málaflokki og sendu þau skilaboð að heimilisofbeldi er ekki liðið. Lögreglan á Suðurnesjum reið á vaðið og síðar Lögreglan á höfuðborgarsvæðinu, en bæði embættin hafa lagt mikla áherslu á málaflokkinn.
