Bjarni fundaði með upplýsingatæknimálaráðherra Indlands

Bjarni Benediktsson forsætisráðherra ásamt S.S Ahluwalia upplýsingatæknimálaráðherra Íslands

S.S. Ahluwalia ráðherra upplýsingatæknimála Indlands, heimsótti í gær fjármála- og efnahagsráðuneytið og fundaði með Bjarna Benediktssyni. Í för ráðherranum voru stjórnendur í ráðuneyti hans ásamt sendiherra Indlands á Íslandi Hr. Rajiv Kumar Nagpal. Á fundinum fjallaði Bjarni meðal annars um stöðu upplýsingatæknimála á Íslandi, þar á meðal þá öflugu upplýsingatækni innviði sem byggðir hafa verið upp á undanförnum árum og stofnun verkefnastofu innan fjármála- og efnahagsráðuneytisins sem stýrir innleiðingu upplýsingatækniverkefna þvert á stjórnsýsluna, undir merkjum Stafræns Íslands. Indverski ráðherrann sagði frá átaki indverskra stjórnvalda til næstu fjögurra ára sem gengur undir nafninu Digital India. Í samtali ráðherrana kom fram að báðar þjóðir hafa sett sér svipuð markmið sem miða að því að auka og bæta stafræna opinbera þjónustu. Indverjar hafa meðal annars byggt upp öflugt stafrænt auðkenni í ætt við þau rafrænu skilríki sem notuð eru á Íslandi. Um 400 milljónir Indverja hafa aðgang að netinu og markmið þarlendra stjórnvalda er að auka það aðgengi verulega á næstu árum. Þá er það reynsla beggja þjóða að bætt stafræn þjónusta hins opinbera eykur bæði gagnsæi og traust.

Athugasemdir

athugasemdir