Búist við fjölgun ólöglegra hælisleitenda í Svíþjóð

Lögregluyfirvöld í Svíþjóð telja að allt að 50 þúsund ólöglegir séu í landinu og líklegt sé að sú tala eigi enn eftir að hækka. Hælisleitendurnir sem um ræðir hafa eðli málsins samkvæmt ekki tilskilin leyfi til dvalar í landinu og fara huldu höfði. Þrátt fyrir það fá þeir sem dvelja ólöglega í landinu ýmsar greiðslur frá sænska ríkinu eins og sjúkradagpeninga og framfærslugreiðslur. Móderatar vilja taka á málinu og svipta þá sem teljast ólöglegir í landinu og neita að fara til sinna heimalanda öllum framlögum frá ríkinu, því eru sósíaldemókratar hins vegar ósammála og segjast þegar vera að vinna í brottvísunarmálum ólöglegra hælisleitenda. Eins og kunnugt er hafa löggæslumál verið í brennidepli í Svíþjóð að undanförnu og hefur lögreglan meðal annars sagt að lögreglumenn séu of fáir til þess að geta sinnt öllum þeim verkefnum sem fylgja komu flóttafólks og hælisleitenda.

Athugasemdir

athugasemdir