Þorsteinn Víglundsson félags og jafnréttismálaráðherra.
Þorsteinn Víglundsson félags og jafnréttismálráðherra telur að fara þurfi yfir aðkomu yfirvalda að ECRI skýrslunni svokölluðu, en eins og kunnugt er voru í skýrslunni einstaklingar og fyrirtæki sökuð um að fara fram með hatursorðræðu án þess að fá andmælarétt. Skýrslan var undirrituð í ráðuneyti Þorsteins en Eygló Harðardóttir fyrrverandi félagsmálaráðherra hafði í sex mánuði áður haft skýrsluna á sínu borði í ráðuneytinu þar sem henni gafst kostur á að gera athugasemdir við efni hennar. Þorsteinn sem var viðmælandi Arnþrúðar Karlsdóttur í morgun segir að hans skoðun sé sú að þeir sem fjallað var um í skýrslunni hefðu átt að fá andmælarétt “ ég held að það hljóti að vera sjálfsagt að menn eigi að hafa andmælarétt og komi andmælum á framfæri ef þeir eru ósammála niðurstöðunni„,segir Þorsteinn.
