Hermann Guðmundsson framkvæmdastjóri segir yfirvöld ekki horfa nógu langt til framtíðar þegar kemur að byggingu nýs spítala. Hermann sem var gestur Péturs Gunnlaugssonar í síðdegisútvarpinu í vikunni segir að hans skoðun sé sú að spítali eigi að úreldast á fimmtíu árum og því skipti staðsetning öllu máli og megi ekki vera tilviljanakennd “ það á ekkert að nota hann mikið lengur, svona stofnun á auðvitað að nýtast upp og úreldast á fimmtíu árum, við erum að nota algjörlega ónýt hús í dag, það er fjöldi starfsmanna á Landspítalanum helsjúkur af öndunarfærasjúkdómum vegna myglu og alls konar eitrana sem eru í gangi, sama á við um starfsfólkið á Grensás þar sem við erum með allt okkar veikasta fólk, og þetta er auðvitað ekki vandamál okkar stjórnmálamanna í dag, þetta er vandamál stjórnmálamanna fyrir 20 – 25 árum síðan, við eigum að vera löngu komin á þann stað að vera byrjuð að endurnýja þessi húsakynni„,segir Hermann.
