Það er ekki rétt nálgun að taka seðla úr umferð og takmarka fjárhagslegt frelsi þjóðarinnar til þess að sporna við skattsvikum. Þetta var meðal þess sem fram kom í máli Teits Björns Einarssonar þingmanns Sjálfstæðisflokksins í síðdegisútvarpinu í dag en hann var viðmælandi Péturs Gunnlaugssonar. Teitur segir að með þessu sé verið að taka skref í átt rafvæðingar gjalmiðilsins „ það er þá væntanlega undirliggjandi afleiðing af þessu að ríkið ætli á einhverjum tímapunkti að hætta að gefa út lögeyrir í landinu og koma öllu í þessi rafrænu viðskipti, ef að svo er að þá þarf að spyrja margra spurninga eins og hvort skylda eigi alla til viðskipta við ákveðna banka og svo framvegis„,segir Teitur.