Fimm voru fluttir á sjúkrahús eftir harðan árekstur á Snæfellsnesvegi í morgun. Loka þurfti veginum um tíma vegna slyssins en búið er að opna hann aftur. Blindhríð og erfið færð var á þeim slóðum þar sem slysið varð, en bílarnir sem rákust saman komu úr gagnstæðum áttum. Ekki liggja fyrir upplýsingar um líðan fólksins sem eru erlendir ferðamenn. Lögreglan rannsakar tildrög slyssins.