Ragnar Þór Ingólfsson formaður VR.
Ragnar Þór Ingólfsson formaður VR segir það eitt af forgangsverkefnum VR eftir að hann tók við formennsku að komast að því hvað það kostar í raun að lifa hér á landi svo hægt sé að setja fram framfærsluviðmið sem hægt sé að styðjast við. Ragnar sem var gestur Markúsar Þórhallssonar og Jóhanns Kristjánssonar í morgunútvarpinu í morgun bendir á að ekki dugi að horfa á meðaltöl í þessu sambandi „að við förum að hugsa og taka tillit til raunstöðu fólks í samfélaginu en ekki einhverra meðaltala sem við vitum innst inni að eru bara blekkingar og ekki í neinu samræmi við það sem er raunverulega að gerast hjá fólki„,segir Ragnar.
