Þingmenn í meirihluta fjárlaganefndar segjast hafa verið hótað æru og eignamissi af háttsetum embættismanni eftir birtingu skýrslu meirihluta fjárlaganefndar um einkavæðingu bankanna hina síðari. Þetta kemur fram í bókun sem hefur verið samþykkt af meirihluta fjárlaganefndar. Í bókuninni segir jafnframt að kvörtun vegna hótunarinnar hafi verið sett í viðeigandi ferli. Þá ítrekar meirihluti fjárlaganefndar mikilvægi þess að fram fari rannsókn af hálfu stjórnskipunar og eftirlitsnefndar á einkavæðingu bankanna hina síðari og leynd af gögnum sem henni tengjast verði aflétt. Bókunin er undirrituð af Vigdísi Hauksdóttur, Guðlaugi Þór Þórðarsyni, Páli Jóhanni Pálssyni, Haraldi Benediktssyni, Valgerði Gunnarsdóttur og Ásmundi Einari Daðasyni. Hér fyrir neðan má sjá bókunina í heild.
„Undirritaðir þingmenn ítreka mikilvægi þess að stjórnskipunar- og eftirlitsnefnd hrindi af stað rannsókn og að leynd á gögnunum er varða málið verði aflétt.
Þingmenn innan stjórnarmeirihluta fjárlaganefndar hafa fengið beinar hótanir um æru- og eignamissi frá háttsettum embættismanni eftir að skýrslan hafði verið kynnt.
Kvörtun vegna þess verður sett í viðeigandi farveg. Í ljósi þeirra viðbragða telja undirritaðir enn frekar mikilvægt að rannsókn fari fram.“
Bókunin er auk Vigdísar undirrituð af þingmönnunum Guðlaugi Þór Þórðarsyni, Ásmundi Einari Daðasyni, Haraldi Benediktssyni og Páli Jóhanni Pálssyni.
Vigdís segir á Facebook-síðu sinni í morgun að umræðan um skýrsluna hefði því miður snúist nær eingöngu um form en ekki efni.
„Það er mikilvægt að fram fari umræða um efni skýrslunnar. Reynt hefur verið að koma til móts við athugasemdir er varða formið og þess vegna hefur skýrslu minni með fylgiskjölum verið vísað til stjórnskipunar- og eftirlitsnefndar til frekari meðferðar„