Hryðjuverkamenn hóta að taka formann Svíþjóðardemókrata og son hans af lífi

Jimmie Åkesson formaður Svíþjóðardemókrata.

Hryðjuverkasamtökin ISIS hóta því að taka Jimmie Åkesson formann Svíþjóðardemókrata af lífi dragi hann sig ekki út úr kosningabaráttunni í Svíþjóð fyrir vikulok. Þetta kemur fram í bréfi frá samtökunum sem þau sendu frá sér fyrr í vikunni.

Þetta var meðal annars sem kom fram í máli Gústafs Skúlasonar í þættinum “Heimsfréttir” á Útvarpi Sögu nú rétt eftir hádegi í dag. En þátturinn er hluti af nýrri áherslu stöðvarinnar að færa hlutlausar fregnir af erlendum vettvangi.

Gústaf segir að í bréfinu sem skrifað var á arabísku hafi því verið hótað að Jimmie yrði hálshöggvinn verði hann ekki við þeirri skipun að draga sig í hlé, auk þess sem því er hótað að myrða fjögurra ára son hans ef hryðjuverkamennirnir nái ekki til hans sjálfs. Eins og kunnugt er verður kosið í Svíþjóð næstkomandi sunnudag en Svíþjóðardemókratar hafa aukið fylgi sitt verulega samkvæmt könnunum og því er spennan fyrir kosningarnar orðin afar mikil.

Hægt er að hlusta á þáttinn í heild sinni í spilaranum hér að neðan.

Athugasemdir

athugasemdir

Deila