Tveir karlmenn voru í gærkvöld í Héraðsdómi Reykjaness úrskurðaðir í gæsluvarðhald til 7.mars næstkomandi. Lögreglan fór fram á gæsluvarðhaldið á grundvelli rannsóknarhagsmuna en mennirnir voru handteknir í gærmorgun, grunaðir um innbrot í heimahús í Hafnarfirði í fyrradag. Ekki er enn ljóst hvort mennirnir tengist fleiri innbrotum en eins og kunnugt er hefur lögregla verið með aukinn viðbúnað vegna mikillar innbrotahrinu sem staðið hefur yfir undanfarin misseri.