Ítalir taka upp tímabundið landamæraeftirlit

Utanríkisráðuneytið hefur sent frá sér tilkynningu þess efnis að ítölsk stjórnvöld hafi tilkynnt íslenskum stjórnvöldum að ítalir munu taka upp tímabundið landamæraeftirlit frá 10.maí-30.maí næstkomandi á öllum landamærastöðvum Ítalíu. Því hvetja íslensk stjórnvöld alla þá sem hyggja á ferðir til Ítalíu að gæta þess að hafa með sér gild vegabréf þar sem þau séu einu gildu íslensku ferðaskilríkin. Þá benda stjórnvöld á að þessi meginregla eigi raunar við um öll ferðalög úr landi þar sem ekki er hægt að tryggja með öðrum hætti að ferðalangar komist á leiðarenda. Vegabréfshafar eru einnig sérstaklega hvattir til þess að kanna gildistíma vegabréfanna og bera saman við kröfur þess lands sem ferðast er til, en vegabréf eiga að gilda frá 3-6 mánuðum lengur en áætluð ferðalok.