Guðni Th. Jóhannesson forseti Íslands hefur veitt Katrínu Jakobsdóttur formanni Vinstri grænna umboð til stjórnarmyndunar. Guðni ávarpaði fjölmiðla eftir fund sinn með Katrínu á Bessastöðum en þar sagði Guðni meðal annars að það væri ekki sérstök hefð fyrir því að líta ætti á stjórnarmyndunarumboð sem nokkurs konar verðlaun fyrir góðan árangur í kosningum Þá sagði Guðni að hann vonaðist til þess að með því að veita Katrínu umboðið kæmist á ákveðin festa á stjórnarmyndunarviðræðurnar. Guðni sagði jafnframt að hann búist við því að niðurstaða í stjórnarmyndunarviðræðum myndi liggja fyrir fljótlega eftir helgi, en Katrín greindi frá því eftir fundinn að formlegar viðræður myndu hefjast á morgun.