Ashton Carter varnarmálaráðherra Bandaríkjanna segir kjarnorkuáætlun Norður Kóreu vera alvarlega ógn við Bandaríkin. Þetta kom fram í viðtali við Carter á NBC en í viðtalinu segir Carter meðal annars að yfirvöld í Bandaríkjunum séu vel í stakk búin til að mæta þeirri ógn ef til kæmi að bregðast þyrfti við. Meðal þeirra úrræða sem Bandaríkin hafa yfir að ráða eru eldflaugavarnir sem séu í stöðugri þróun til þess að mæta þessari ógn.
