Kristján Þór kynnti sér starfsemi Fiskistofu

Kristján Þór Júlíusson, sjávarútvegs- og landbúnaðarráðherra, heimsótti í morgun höfuðstöðvar Fiskistofu í Borgum á Akureyri og fékk kynningu á starfsemi stofnunarinnar. Ráðherra ræddi við starfsfólk og skoðaði nýlegt húsnæði Fiskistofu. Ráðherra fékk m.a. kynningu á fjareftirlitskerfi Fiskistofu sem stofnunin nýtir til þess að fylgjast með staðsetningu fiskiskipa. Þá fékk ráðherra einnig kynningu á starfsemi Verðlagsstofu skiptaverðs en Fiskistofa hefur um nokkurra ára skeið annast rekstur skrifstofu Verðlagsstofu.

Athugasemdir

athugasemdir