Mannfræðifélag Íslands stendur fyrir fyrirlestri þriðjudaginn 14. febrúar nk þar sem Sveinn Guðmundsson, doktorsnemi í mannfræði við Háskóla Íslands mun flytja erindið „Hugur og líkami eða huglíkami? Læknar, hjúkrunarfræðingar og óhefðbundnar lækningar”. Fram kemur í tilkynningu að Fyrirlesturinn verði í ReykjavíkurAkademíunni, Þórunnartúni 2, (áður Skúlatúni 2) í bókasafni Dagsbrúnar 4. hæð og hefjist kl. 20:00.Sveinn mun fjalla um doktorsrannsókn sína meðal lækna og hjúkrunarfræðinga á Íslandi sem hafa áhuga á heildrænni heilsu og hafa reynslu eða menntun í meðferðum sem gjarnan eru nefndar „óhefðbundnar lækningar“ í daglegu tali. Í tilkynningunni segir að rannsóknin sé eigindleg, og byggi á viðtölum við 32 hjúkrunarfræðinga og lækna ásamt 25 þátttökuathugunum meðal þeirra. Í rannsókninni koma fram meðal annars hugmyndir viðmælendanna um heildræna heilsu, mátt hugans og stöðu óhefðbundinna lækninga innan heilbrigðiskerfisins. Einnig hver upplifun þeirra er af blendnu viðhorf heilbrigðiskerfisins til óhefðbundinna meðferða. Þá segir í tilkynningunni að allir séu velkomnir á fyrirlesturinn og að aðgangur sé ókeypis.
