Sigmundur Davíð Gunnlaugsson þingmaður Framsóknarflokksins og fyrrverandi forsætisráðherra segir að það virðist sem ríkisstjórn Bjarna Benediktssonar sé að missa tökin á atburðarrásinni sem snýr að kaupum vogunarsjóða á 30% hlut í Arion banka. Þetta kom fram í máli Sigmundar í síðdegisútvarpinu í dag en hann var gestur Péturs Gunnlaugssonar. Sigmundur segir að þær skýringar ríkisstjórnarinnar að hún hafi ekki geta haft áhrif á hverjir kaupi hlutinn haldi ekki vatni “ menn fara ekki í svona viðskipti nema með velvild stjórnvalda, það get ég fullyrt vegna þess að í okkar tíð á síðasta kjörtímabili var stöðugt verið að þreifa fyrir sér með einhverja kaupendur að bönkunum, verið að tala fyrir því gagnvart stjórnvöldum að menn féllust á það að kínverskir fjárfestar eða fjárfestar frá Katar, þar sem menn vildu fá vilyrði frá stjórnvöldum um að fallist yrði á að viðskiptin gengju í gegn, við sáum ekkert á þessum tíma sem gætu talist raunhæf viðskipti og alltaf vantaði töluvert upp á hverjir væru þarna á bak við og hvernig þetta ætti allt saman að gerast„,segir Sigmundur.