Lögreglan rannsakar nú hvort sjómenn af grænlenska togaranaum Polar Nanoq tengist hvarfi Birnu Brjánsdóttur. Vitað er að sjómenn af skipinu tóku Kia Rio bifreið á leigu síðdegis á föstudag og höfðu bifreiðina til umráða fram á laugardag. Athygli vekur að skór í eigu Birnu fundust skammt frá þeim stað sem togarinn lá við bryggju, auk þess sem lýsing á bifreið sem leitað var að í tengslum við rannsóknina kemur heim og saman við þá bifreið sem sjómennirnir höfðu tekið á leigu. Lögregla segir að enn sé enginn grunaður um aðild að hvarfi Birnu en að rannsóknin haldi áfram á fullum krafti. Björgunarsveitir sem leitað hafa að Birnu í allan dag munu taka sér hlé frá leit þar sem engar nýjar vísbendingar hafi fundist á þeim stöðum þar sem leitað hefur verið.