Jón Kristinn Snæhólm alþjóðastjórnmálafræðingur.
Dagur B. Eggertsson borgarstjóri hefur misst metnaðinn fyrir starfi sínu og forðast að svara fyrir það sem fer úrskeiðis í starfsemi borgarinnar. Þetta var meðal þess sem fram kom í máli Jóns Kristins Snæhólm alþjóðastjórnmálafræðings frá Edinborgarháskóla í síðdegisútvarpinu í dag en hann var gestur Péturs Gunnlaugssonar. Jón bendir á máli sínu til stuðnings að margt sé í ólestri í borginni eins og samgöngur, húsnæðismál og umhirða og þegar krefja eigi Dag svara séu aðrir látnir svara fyrir hann “ Dagur er ekki sýnilegur, hann kemur ekki fram fyrir hönd borgarinnar og hann virðist hafa misst metnaðinn, borgin er stútfull af holóttum vegum og veggjakroti, það er ekkert gert í þessu, það er ekkert samráð haft við íbúasamtök, það er órækt og arfi um allt og þetta sýnir að borgarstjóri hafi ekki mikinn metnað fyrir hönd borgarinnar„,segir Jón Kristinn.
