Gunnar Bragi Sveinsson þingmaður og varaformaður Miðflokksins og fyrrverandi utanríkisráðherra.
Ríkisstjórn Vinstri grænna og Sjálfstæðisflokksins gerði samkomulag í upphafi að gera sem minnst á kjörtímabilinu í þeim tilgangi að komast af sem lengst. Þetta var meðal þess sem fram kom í máli Gunnars Braga Sveinssonar þingmanns og nýkjörins varaformanns Miðflokksins, og fyrrverandi utanríkisráðherra í síðdegisútvarpinu í dag en hann var gestur Péturs Gunnlaugssonar. Gunnar segir að þetta megi sjá til dæmis með afstöðu Vinstri grænna um veru Íslands í Nato og aðgerðir Nato í Sýrlandi „ og þegar er ákvörðun hefur verið tekin að gera sem minnst þá gerist það að kerfið fer að stjórna sér sjálft, og þegar ég tala um kerfið á ég við allt kerfið, hið opinbera, lífeyrissjóðina og allt þetta bix, þegar þú ert með andstæða póla eins og vinstri og hægri í stjórn þá er það þetta sem gerist„,segir Gunnar.
