Ragnar Þór Ingólfsson formaður VR hefur falið lögmanni að skoða lagalega stöðu einstaklinga gagnvart smálánafyrirtækjum. Þetta var meðal þess sem fram kom í máli Ragnars í morgunútvarpinu í morgun en hann var gestur Markúsar Þórhallssonar og Jóhanns Kristjánssonar. Ragnar segir smálánafyrirtækin færa sér neyð þeirra verst settu í nyt með ágengri markaðssetningu “ við getum til dæmis ímyndað okkur einstætt foreldri á heimili með tvö eða þrjú börn þar sem peningarnir eru búnir, vika er til mánaðarmóta og enginn matur í ísskápnum og þá kemur allt í einu sms um að þú getir fengið 40.000 krónur hjá smálánafyrirtækinu og þá byrjar vítahringurinn, þetta er samfélagsmein sem þarf að skera í burtu, af því að þarna er verið að notfæra sér og hagnast á neyð þeirra sem eru verst settir„segir Ragnar.