Velferðarráðherra reynir að afvegleiða umræðuna um hælisleitendur með því að blanda henni saman við umræðuna um innflytjendur. Þetta var meðal þess sem fram kom í máli Sveinbjargar Birnu Sveinbjörnsdóttur óháðs borgarfulltrúa í síðdegisútvarpinu á föstudag en hún var gestur Edithar Alvarsdóttur. Sveinbjörg segir að með því að setja umræðuna um hælisleitendur í samhengi við innflytjendur sem tilheyri öðrum málaflokki sýni Þorsteinn Víglundsson velferðarráðherra tilburði til þöggunar “ ef þetta er tónninn sem ráðherra ætlar að leggja upp með þá er hann klárlega að fara í einhverja þöggun og gera lítið úr þeirri stöðu sem er uppi í samfélaginu í dag hvað þau fjárútlát varðar sem við leggjum út fyrir hælisleitendur„,segir Sveinbjörg.