George Soros.
Auðkýfingurinn George Soros hefur ákveðið að stofnun hans Open Society Foundations flytji starfsemi sína frá Ungverjalandi til Þýskalands. Þetta segir í tilkynningu frá stofnuninni. Yfirvöld í Ungverjalandi hafa um nokkra hríð deilt á Soros vegna fjármögnunar hans á komu flóttafólks til Evrópu. Samkvæmt tilkynningunni mun stofnunin á næstu vikum flytja starfsemi sína ásamt starfsmönnum frá Búdapest til Berlínar, en stofnunin hefur sakað yfirvöld í Ungverjalandi um að hafa lagt stein í götu hennar með sérstökum skatti sem lagður er á stofnanir sem fjármagnaðar eru af erlendum félagasamtökum. Þá hefur stofnunin jafnframt ásakað yfirvöld um að njósna um starfsmenn sína og að leyniþjónustunni hafi verið falið það verkefni.
