Það er hárrétt mat hjá finnum að hækka viðbúnaðarstig vegna hryðjuverkahættu til þess að geta brugðist skjótt við ef til óhæfuverka kæmi. Þetta er mat Hauks Haukssonar fréttamanns í Moskvu um þá ákvörðun finnska yfirvalda um hækkað viðbúnaðarstig. Haukur sem var viðmælandi Péturs Gunnlaugssonar í síðdegisútvarpinu segir að þeir einstaklingar sem taka ákvörðun á einu augnabliki að fremja hryðjuverk gætu reynst hættulegastir og því sé það viturlegt hjá finnum að hafa vaðið fyrir neðan sig í þessum efnum “ þeir hafa vit á því, það eru mjög margir innflytjendur í Finnlandi og kannski um 1% af þeim gætu verið menn sem taækju svona ákvörðun og eins og ég sagði áðan þá gæti þetta allt eins verið einstaklingur 15-16 ára sem telur sig hafa verið móðgaðan, hefur ekki vinnu, vill fremja hetjudáð og getur tekið þá ákvörðun á sekúndubroti, hann er kannski að ganga framhjá einhverjum flutningabíl sem verið er að afferma og tekur þá ákvörðun að taka bílinn og keyra honum inn í mannþröng„,segir Haukur.