Óskar Bergsson fasteignasali og fyrrverandi borgarfulltrúi.
Margir kostir væru við það ef nýr spítali myndi verða reistur við Stekkjarbakka við Elliðaárdal. Þetta var meðal þess sem fram kom í máli Óskars Bergssonar fasteignasala og fyrrverandi borgarfulltrúa í síðdegisútvarpinu í dag en hann var gestur Arnþrúðar Karlsdóttur. Óskar bendir á að á þeim stað sé nægt byggingarrými og hann hefði góð áhrif á atvinnustig í í að minnsta kosti tveimur af þremur stærstu hverfum borgarinnar „ ef spítalinn yrði byggður þar þá er raunverulega búið að breyta grunni þessara þriggja stóru úthverfa, sérstaklega tveggja, Breiðholts og Árbæjar, þá ertu kominn með gríðarstóran vinnustað nánast heim í hlað í þessum hverfum, og það er arkitektastofa sem hefur verið að kynna þessar hugmyndir og það er svolítið merkilegt að þær hafi ekki fengið meiri hljómgrunn„,segir Óskar.
