Utanríkisráðuneytið hefur opnað á vef Stjórnarráðsins sérstaka upplýsingaveitu um þróunar- og mannúðarmál. Vefurinn nefnist Heimsljós og leysir af hólmi samnefnt veftímarit sem komið hefur út vikulega um tíu ára skeið.Í tilkynningu segir að Heimsljósi sé ætlað að viðhalda og glæða umræðu um málaflokkinn sem er ein meginstoð íslenskrar utanríkisstefnu. Jöfnum höndum verður fjallað um strauma og stefnur í málaflokknum á heimsvísu en sérstök áhersla er lögð á frásagnir sem tengjast opinberri þróunarsamvinnu Íslands og starfi íslenskra borgarasamtaka á þessu sviði.
Auk frétta af þróunar- og mannúðarmálum munu birtast á vefnum pistlar eftir íslenska sérfræðinga sem starfa á vettvangi, í ráðuneytinu eða hjá alþjóðastofnunum. Þá verða birtar hlekkir á áhugaverðar greinar um málaflokkinn, einnig krækjur á fréttir og fréttaskýringar og tilvísanir í fræðigreinar og skýrslur.
