Nauðsynlegt er að bæta aðgengi borgarbúa að stjórnkerfi borgarinnar og borgarfulltrúum og gera borgarumhverfið manneskjulegra. Þetta var meðal þess sem fram kom í máli Bjargar Kristínar Sigþórsdóttur oddvita og formanns Höfuðborgarlistans í síðdegisútvarpinu í dag en hún var gestur Péturs Gunnlaugssonar. Þá segir Björg nauðsynlegt að bæta forgangsröðun í borginni í þágu almennings á öllum sviðum, auk þess sem auka þarf val nemenda og foreldra þeirra þegar kemur að menntakerfinu. Í flugvallarmálinu vill Höfuðborgarlistinn leggja áherslu á að flugvöllurinn verði áfram í Vatnsmýrinni og telur ekki skynsamlegt að velja framtíðar fluvallarstæði í Hvassahrauni, enda gæti það svæði verið varasamt með tilliti til eldvirkni. Hlusta má á viðtalið í spilaranum hér að neðan.