1.100 vísinda- og fræðimenn í sameiginlegri yfirlýsingu: „Það er engin loftslagskreppa í gangi“

Það ríkir ekkert neyðarástand í loftslagsmálum

Nýlega kom Jimmie Åkesson, leiðtogi SD, fram í sjónvarpi og markaði afstöðu gegn loftslagsmóðursýkinni og fékk þá strax yfir sig loftslagshræðsluáróðursmenn og hótanir um endalok jarðar. En í nýju riti (sjá neðar á síðunni), vísa yfir 1.100 vísindamenn og sérfræðingar á bug þeirri síendurteknu fullyrðingu fjölmiðla og græningja, að eilíf loftslagskreppa sé í gangi og endalok heimsins handan við hornið. Yfir 1.100 nöfn virtra vísindamanna og sérfræðinga er að finna í ritinu, þannig að loftslagsáróðursmenn geta ekki haldið því fram, að þeir séu að tala fyrir vísindasamfélagið.

„Það er ekkert neyðarástand í loftslagsmálum“ segja alþjóðlegir höfundar rits Loftslagsyfirlýsingarinnar: Það er ekkert neyðarástand í loftslagsmálum – „World Climate Declaration: There is no climate emergency.“ Einn þeirra sem leitt hefur söfnun undirskriftanna er norski Nóbelsverðlaunahafinn í eðlisfræði, prófessors Ivar Giaever.

Vísindamennirnir og sérfræðingarnir segja í ritinu, að loftslagsvísindin hafi verið fjarlægð úr umræðunni, sem byggjast á tilbúningi í stað traustra sjálfsgagnrýninna vísinda.

Loftslagshræðslusagan er fáránleg

Einn af aðalhöfundum yfirlýsingarinnar, bandaríski eðlisfræðingurinn Richard Lindzen, segir núverandi loftslagsáróður „fráleitan.“ Hann bendir á að milljarðar dollarar og áróður fræðimanna sem háðir eru opinberum styrkjum ásamt keyptum blaðamönnum hafi leitt til þess, að hryllingssagan um loftslagið er orðin svo útbreidd. Í ritinu segir:

„Við ættum að fría okkur frá þeim barnaskap að trúa á gölluð loftslagslíkön. Í framtíðinni verða loftslagsrannsóknir að styðjast mun meira við reynsluvísindin.“

Hér að neðan má lesa og hlaða niður ritið með Loftslagsyfirlýsingu vísindamannanna

Deila þessari frétt á samfélagsmiðla

Deila