Með þingsályktunartillögu Katrínar Jakobsdóttur um aðgerðaráætlun gegn hatursorðræðu er verið að innleiða erlendar hugmyndir og koma þeim inn í íslenska löggjöf. Um er að ræða tillögur sem takmarka tjáningarfrelsið og innleiðir ritskoðun á vissum sviðum til að stjórna því hvernig fólk má hugsa og tala um ákveðin mál. Þetta var meðal þess sem fram kom í máli Björns Þorra Viktorssonar lögmanns í síðdegisútvarpinu en hann var gestur Arnþrúðar Karlsdóttur.
Björn segir að námsskeið sem setja eigi upp fyrir alla opinbera starfsmenn, sé ekkert annað en námsskeið þar sem kenna eigi fólki hvernig það eigi að hugsa á þann hátt sem fyrir það verði lagt og að það verði bara með eina samþykkta ríkisskoðun.
„Og ekki bara það. Því það á samkvæmt þessu líka að taka alla dómara og saksóknara í kennslustund og kenna þeim hvað sé rétt og hvað sé rangt og talandi um innrætingu þá eru margir sem hafa áhyggjur af því hvað sé verið að innræta börnum í skólum og hvað yfir þau er látið ganga í nýhyggjunni með alls kyns hluti sem eru sumir mjög framandi ef satt skal segja. Þarna á bara allt í einu að taka íslenska dómara og setja þá á skólabekk og kenna þeim einhver ný viðmið hvað megi segja eða hugsa í samfélaginu“segir Björn.
Arnþrúður bendir á að í aðgerðaráætluninni komi sérstaklega fram fram að sérhæft fræðsluefni verði fyrir dómara, ákæruvald og lögreglu um hatursglæpi og hatursorðræðu með það fyrir augum að tryggja betri þekkingu á málaflokknum innan lögreglunnar, hjá ákærendum og dómurum.
Arnþrúður spyr hvort með þessu sé verið að gefa í skyn að núgildandi lagafyrirmæli séu ónothæf?
Verið að koma á einni samræmdri ríkisskoðun
Björn segir að með þessari aðgerðaráætlun sé fyrst og fremst verið að reyna koma á einni samræmdri skoðun hjá risastórum hluta samfélagsins sem um þessi mál eiga að sjá. Katrín ætli að taka þetta fólk á lærið og kenna því hvaða viðmiðum eigi að beita og viðmiðin komi frá útlöndum.
Katrín málpípa erlendra hagsmunaafla
Í þættinum kom fram að Katrín sé fulltrúi World Economic Forum sem vinnur að því að koma á einni heimsstjórn og spyr Arnþrúður hvert sé eiginlega verið að fara með Ísland.?
„Vissum við eitthvað um það þegar hún og flokkur hennar var kjörin á þing að hún myndi verða málpípa erlendra hagsmunaafla í landinu og taka við skipunum frá þeim?“ spyr Björn.
Þá vísar Arnþrúður í að gert sé ráð fyrir í aðgerðaáætluninni að farið verði í breytingar á hegningarlögum.
„Það er þannig að Alþingi hefur vald til þess að setja fyrirmæli og lög sem allir eru skuldbundnir að virða en þau verða að rúmast innan þess ramma sem stjórnarskráin setur, ef menn fara út fyrir þann ramma þá eru það ólög og ber þá að virða þau að vettugi vegna þess að stjórnarskráin er æðri“
Menn taki ekki við erlendum reglum og hugsunarlaust
Björn segir að því sé gríðarlega mikilvægt að lagasetningin sé, skýr, gagnsæ og vönduð og fari fram á gagnrýninn hátt og menn taki ekki við einhverjum erlendum reglum eða viðmiðum hugsunarlaust.
„Þingmenn hafa oftar en einu sinni verið teknir í bólinu með það að hafa samþykkt einhver frumvörp sem þeir eru svo spurðir um hvað þýði og þá hafa þeir ekki hugmynd um það og hafa ekki lesið það og segja að þetta sé eitthvað sem komi frá Evrópu og verði að innleiða sem er auðvitað bara bull. Hvað er eðlilegt við það að ráðherra taki við einhverjum fyrirmælum erlendis frá og bugti sig beygi fyrir því í einu og öllu „
Lokað á rafræn viðskipti geristu brotlegur að mati yfirvalda
Í áttundu grein áætlunarinnar er talað um breytingar á ákvæðum laga um rafræn viðskipti eða aðra rafræna þjónustu meðal annars að fjarlægja ólöglegt efni m. a. hatursorðræðu. Það gæti leitt til þess að ekki mætti ræða með gagnrýnum hætti um breytingar á útlendingalögum.
„Þá mega þeir beita þessu ákvæði um rafræna viðskiptaþjónustu sem þýðir að ef einhver gerist brotlegur að mati yfirvalda með því að setja fram eitthvað efni sem þeir túlka sem hatursorðræðu þá má loka á rafræn viðskipti viðskipti við hinn brotlega. Sá hinn sami getur ekki keypt sér íbúð og ekki átt viðskipti í banka því þá er búið að loka bankakortinu. Það gæti orðiðer refsingin, sem er sett fram á afar lævísan hátt „segir Arnþrúður.
Gagnrýnin umræða stranglega bönnuð
Þá kom fram í þættinum að gert væri ráð fyrir breytingum á ákvæðum laga um fjölmiðla er varðar hatursorðræðu, á þann hátt að ákvæðið nái utan um fleiri hópa. Það sé verið að útfæra lögin á þann hátt að ekki megi ræða ákveðin mál, til dæmis mætti ekki ræða málefni útlendinga, ekki gagnrýna covid bólusetningar, ekki gagnrýna stjórnvöld auk fleiri atriða.
„Þá máttu heldur ekki efast um það að það séu til 72 kyn sem okkur er sagt að sé búið að finna upp og svo framvegis, þarna er verið að útiloka gagnrýna hugsun og skoðanaskipti þar sem menn takast á um mismunandi skoðanir, það má ekki hafa nema eina ríkisskoðun og þá erum við komin að því hvort við séum ekki komin í eitthvað fasískt fyrirkomulag, það er orðið afskaplega stutt í fasismann, ég vil hvetja þingmenn til þess að taka þessi mál og íhuga þau vel og vandlega því það er stór varasamt að skerða persónubundin réttindi til fólks eins og þau að hafa skoðanir“segr Björn Þorri
