Fyrsta skrefið að einni alheimsstjórn
Samkvæmt LeoHohmann.com hafa glóbalistar í bandarískum og vestrænum stjórnvöldum ákveðið, að heimurinn þurfi eina miðstjórn þ.e.a.s. Alþjóðaheilbrigðismálastofnun Sameinuðu þjóðanna till að vinna gegn komandi heimsfaröldrum. Miðstjórnin fær valdaumboð með alþjóðlegum samningi.
Á vefsíðu WHO 30. mars 2021 er „brýnt ákall um alþjóðlegan heimsfaraldurssáttmála.“ Þar segir, að slíkur sáttmáli sé nauðsynlegur til að skipuleggja ein hnattvædd viðbrögð við heimsfaröldrum Einnig er þar greint frá sameiginlegu ákalli „25 leiðtoga ríkisstjórna og alþjóðlegra leiðtoga“ um að stofna sáttmálann.
Við skulum ekki gleyma því, að Yuval Noah Harari, aðalráðgjafi Klaus Schwab og World Economic Forum, hefur lýst því yfir, að glóbalistar muni nota „kreppur“ til að koma á einni heimsstjórn. Harari segir að „slys munu opna dyrnar“ að stórfelldum breytingum, sem fólk myndi annars aldrei sætta sig við.
Bandarísk stjórnvöld hafa lagt fram 13 breytingartillögur, sem þau vilja sjá felldar inn í sáttmálann og eru að mati margra „morð á stjórnarskrá Bandaríkjanna.“
Í skýrslu SÞ frá maí 2021 var kallað eftir auknum völdum fyrir WHO og segir að „Í núverandi mynd hefur WHO ekki slíkt vald […]Til að halda áfram með sáttmálann þarf WHO því að fá vald – fjárhagslega og pólitískt.“
Greiða atkvæði um 13 breytingartillögur sem munu gefa WHO einræðisvald yfir þjóðum heims í heilbrigðismálum
Alþjóðaheilbrigðismálastofnunin mun halda árlegan fund sinn, 75. Alþjóðaheilbrigðisþingið, dagana 22.-28. maí í Genf í Sviss, þar sem fulltrúar frá 192 þjóðum munu mæta. Meðlimirnir munu þá greiða atkvæði um 13 breytingartillögur, sem færa Alþjóðaheilbrigðismálastofnuninni aukið fullveldi, eftirlits- og lagaheimildir. Verði þessar breytingar samþykktar, mun Alþjóðaheilbrigðismálastofnunin ein og sér hafa heimild til að lýsa yfir alþjóðlegu neyðarástandi á heilbrigðissviðinu, sem eru æðri ákvörðunum einstakra þjóðríkja.
Í vissum skilningi gerðist það þegar árið 2020 og 2021, þegar margar af ströngustu lokunum voru ráðlagðar af WHO og flestar þjóðir fóru eftir þeim tilmælum. En ef þessi sáttmáli verður samþykktur, verður lokað á sjálfræði þjóða og enginn veit hvaða fyrirmæli um lokanir geta komið í framtíðinn frá stofnunum SÞ. Hugsið ykkur möguleika á „loftslags“ lokun!
Þjóðir heims munu með samþykkt tillagnanna afsala sér fullveldi sínu og rétti til að stjórna eigin heilbrigðisþjónustu og afhenda það vald til WHO, sem stjórnað er af marxíska byltingarsinnanum Dr. Tedros.
James Roguski, rannsóknarmaður og aðgerðarsinni sem hefur rannsakað þessar breytingar, hefur vísað til þeirra sem „fimm viðvörunarelda“ sem verður að bregðast við, annars verða þær hluti af alþjóðalögum.
Þessar reglur gilda um starfsemi Alþjóðaheilbrigðismálastofnunarinnar. Hann segir kjarna þessara breytinga snúa aftur til Kína sbr. myndbandið hér að neðan:
Í myndbandinu segir Roguski:
„Hvað sem við höldum að hafi gerst í Wuhan árið 2020, þá virðist WHO vera þeirrar skoðunar, að ekkert af því sem kom á eftir hefði gerst, ef þeim hefði verið gefið vald til að lýsa einhliða yfir neyðarástandi og keyra yfir Kína….. Þeir eru að breyta 12. grein í kafla 2, eyðir í raun fullveldi 192 þjóða til að ákveða, hvort alþjóðleg stofnun eigi að fá leyfi til að koma að málum eða ekki.“
Samantekt á drögum sáttmálans sem tryggir miðstjórn WHO yfir heilbrigðismálum alls heimsins
Það er mikilvægt að hafa í huga, að alþjóðlegi heimsfaraldurssáttmálinn verður mun víðtækari en þessar breytingar en þær eru brýnni, vegna þess að um þær verður kosið í næsta mánuði. Engir stjórnmálamenn tala um þetta. Enginn almennur fjölmiðill segir frá þessu. Engir prestar eru að vara við þessum stórkostlegu breytingum, sem sumir segja af biblíustærð.
Roguski setti upp vefsíðuna DontYouDare.info til að greina frá þessum alheimsheilbrigðissáttmála. Eftirfarandi atriði eru samantekt hans á drögum að sáttmálabreytingum:
- Alþjóða heilbrigðisreglurnar verða lagalega bindandi og taka af hólmi stjórnarskrá Bandaríkjanna.
- Bandaríkin hafa lagt til breytingar á lagalega bindandi alþjóðaheilbrigðisreglugerðinni, sem kosið verður um á Alþjóðaheilbrigðisþinginu 22. maí til 28. maí.
- Þessar breytingartillögur munu framselja aukið fullveldi, eftirlit og lagalegt vald til Alþjóðaheilbrigðismálastofnunarinnar.
- Þessar breytingar þurfa EKKI samþykki 2/3 hluta öldungadeildar Bandaríkjaþings. Ef þær verða samþykktar (eins og þær eru lagðar fram af Bandaríkjunum) með einföldum meirihluta 194 aðildarríkja Alþjóðaheilbrigðisráðsins myndu þessar breytingar öðlast gildi sem alþjóðalög aðeins sex mánuðum síðar (nóvember 2022).
- Ekki er vitað, hvort kosið verður um breytingartillögurnar í hverju lagi fyrir sig eða í einum heildarpakka.
- Breytingarnar munu veita forstjóra Alþjóðaheilbrigðismálastofnunarinnar vald til að lýsa einhliða yfir neyðarástandi á sviði lýðheilsu vegna aþjóða áhyggja „Public Health Emergency of International Concern“ PHEIC, jafnvel þótt viðkomandi land mótmælir, sem glímir við sjúkdómsfaraldur.
- Samkvæmt breytingum, sem gerðar voru á bandarískum reglugerðum og voru birtar einum degi áður en Donald Trump tók við embætti forseta Bandaríkjanna þann 19. janúar 2017, þá tekur skilgreining á „lýðheilsuneyðarástandi“ í Bandaríkjunum núna yfir yfirlýsingu WHO um PHEIC.
- Einhliða yfirlýsing Alþjóðaheilbrigðismálastofnunarinnar um PHEIC mun stýra því, að heilbrigðismálaráðuneyti Bandaríkjanna verður að lýsa yfir neyðarástandi á lýðheilsu.
- Breytingarnar munu einnig veita forstjóra Alþjóðaheilbrigðismálastofnunarinnar lagaheimild til að gefa einhliða út „milligöngu lýðheilsuviðvörun (IPHA).“
- Breytingarnar munu einnig veita „svæðastjórum“ innan WHO lagalega heimild til að lýsa yfir neyðarástandi vegna svæðisbundinna áhyggjuefna.
WHO býður eftir samþykkt þingsins svo hægt sé að fyrirskipa stafrænt vegabréf fyrir alla jarðarbúa
Þegar þjóðlegt fullveldi er afnumið og löndin eru háð alþjóða miðstjórn, þá opnast endalaus tækifæri fyrir glóbalistana til að gera upptækt allt, sem þeir telja að sé „slæmt fyrir heilsu okkar.“ WHO hefur þegar ákveðið að taka beri upp stafrænt vegabréf fyrir alla jarðarbúa! Það eina, sem skortir til að framkvæma þá ákvörðun, er vald lýðræðiskjörinna þjóðstjórna verði hnekkt.
Kit Knightly skrifar í grein fyrir Off Guardian, að löndum verði refsað, sem „fylgja ekki“ nýja alþjóðlega heilbrigðissáttmálanum. Samkvæmt WHO:
„[Sáttmálinn ætti að hafa] aðlögunarhæft hvatakerfi, [þar á meðal] refsiaðgerðir eins og opinberar refsingar, efnahagslegar refsiaðgerðir eða afnám ávinnings.“
- Ef tilkynnt er „tímanlega um sjúkdómsútbreiðslu“ þá fæst „fjármagn“ til að takast á við faraldurinn.
- Ef ekki er tilkynnt um útbreiðslu sjúkdóma eða leiðbeiningum WHO fylgt, þá fellur alþjóðleg aðstoð niður og landið verður fyrir viðskiptabönnum og refsiaðgerðum.
Patrick Wood minnti okkur á, að beitt var hörðum refsingum á meðan á Covid-faraldrinum stóð:
„Forsetar Búrúndí og Tansaníu bönnuðu WHO frá löndum sínum og neituðu að fylgja sögninni um heimsfaraldurinn: Báðir dóu óvænt innan nokkurra mánaða og var skipt út fyrir forseta, sem styðja WHO. Augljóslega er WHO sama um heilsu heimsins eða líf eða dauða nokkurra tiltekinna borgara. Viðvörunin hefur sem sagt verið send til þjóðarleiðtoga: fylgið samningi okkar eða við útrýmum ykkur.“
