Alþjóðahópur lögfræðinga undirbýr nú stefnu á hendur Heilbrigðisstofnun Sameinuðu Þjóðanna, WHO, vegna þess tjóns sem stór hluti mannkyns hefur orðið fyrir vegna lokana í kjölfar kórónufaraldursins. Þýski lögfræðingurinn Dr. Reiner Fuellmich segir í löngu myndbandi (sjá hér að neðan) að „samkvæmt reglum um skaðabótarétt þá eiga allir sem hafa orðið fyrir tjóni vegna lokunar á grundvelli PCR-sýnatöku rétt á fullum bótum vegna tapsins. Sérstaklega ber að bæta tjón, þ.e.a.s. það er skylda að greiða skaðabætur fyrir hagnaðartap fyrirtækja og einyrka vegna lokunar og annarra aðgerða.“ Fuellmich og starfsfélagar hans fullyrða að WHO, aðrar stofnanir og heilbrigðisstarfsmenn, sem hafa framkvæmt PCR-sýnatökur, eigi að sæta ákæru vegna lokananna.
PCR-sýnatökur gefa engar vísbendingar um smit
„Þvert á móti því sem WHO, þýsku veirusjúkdómasérfræðingarnir Christian Drosten og Lother Wieler frá Robert Koch stofnuninni segja, þá gefa PCR-sýni enga vísbendingu um smitun neinnar veiru, hvað þá SARS-CoV-2.
PCR-sýnatökur eru á engan hátt viðurkenndar til sjúkdómsskilgreiningar eins og réttilega er bent á í meðfylgjandi bæklingum og Kary Mullis sem fann upp sýnatökurnar hefur margsinnis bent á. Þvert á móti þá verða engir sjúkdómar greindir með prófunum.„
Fuellmich segir að „þvert gegn þeim fullyrðingum Drosten, Wieler og WHO sem settar voru fram eftir að lýst var yfir heimsfaraldri, þá þýðir ekki jákvæð útkoma úr PCR-sýni að um smitun sé að ræða. Ef einhver mælist jákvæður þýðir það ekki að viðkomandi séu smitaður af einhverjum sjúkdómi hvað þá af smitsamri SARS-CoV-2 veiru.“
Ekki vísindalegar aðferðir að stækka sýni meira en 35 sinnum
Fuellmich vísar til greinar bandarísku heilbrigðisstofnunarinnar CDC sem heldur því fram að „sporun RNA sýni ekki endilega fram á tilveru smitsamrar veiru eða að 2019-nCoV sé valdurinn að sjúkdómseinkennum.
Sýnatökur með PCR-pinnum fanga einn eða tvo þætti sameindar sem mannsaugað getur ekki greint og þarf að stækka margsinnis til að það sjáist. New York Times og fleiri hafa greint frá því, að ekki sé hægt að treysta yfir 35 stækkunum og slíkt talið óvísindalegt.“
Það er staðreynd að Drosten var fyrstur til að þróa PCR-sýnatökur fyrir COVID-19. Þessar sýnatökur segir Fuellmich „krefjast stækkana 45 sinnum. Getur það verið vegna óska um að framleiða eins mörg jákvæð sýni og mögulegt er til þess að búa til ástæðu til að halda fram að mikið magn af smiti hafi uppgötvast?“
„Sýnið getur ekki greint á milli óvirks og sjálfframleiðandi efnis. Það þýðir að hægt er að fá jákvætt próf t.d. ef sýnið inniheldur hluta af úrgangsefnum eða sameind, sem mögulega bendir ekki til neins annars en að viðnámskerfi viðkomandi einstaklings hafi áður sigrast á kvefi.“
Þekkt vandamál þegar 2014
Fuellmich segir að Drosten hafi þekkt þetta vandamál þegar árið 2014, þegar Drosten sagði varðandi annan öndunarsjúkdóm MERS að „Ef slík veira finnst í slímhimnu nefs hjúkrunarkonu án þess að hún veikist eða kenni sér neins meins, þá verður hún skyndilega MERS-sjúklingur.“
„Í stuttu máli“ segir Fuellmich, „þá getur þessi sýnataka ekki uppgötvað neitt smit, sem er gegn öllum þeim röngu fullyrðingum um hvað sýnatökurnar geri. Smit – s.k. heitt smit þýðir ekki að veiran eða hluti sameindar finnist einhvers staðar t.d. í hálsi einstaklings án þess að valda skaða (það væri kallt smit).
Heitt smit þýðir að veiran fari inn í frumurnar og fjölgi sér þar og valdi einkennum eins og höfuðverk eða verk í hálsi. Þá fyrst er viðkomandi raunverulega smitaður heitu smiti og þá fyrst getur viðkomandi smitað aðra. Fram að þeim tíma er fyllilega hættulaust fyrir þann sem hýsir veiruna og alla aðra sem viðkomandi kemst í samband við.“
Hefur mikla reynslu í baráttu gegn fjármálasvindli Deutsche Bank og díselsvindli Volkswagen
Þrátt fyrir að hópkærur séu ekki valkostur í stórum hluta heims, ætla Fuellmich og starfsfélagar hans að fara með málið fyrir dómstól í Bandaríkjunum eða Kanada, þar sem slík réttarhöld eru hefðbundinn hluti réttarfarskerfisins. Síðar verður hægt að bæta við „alla sem málið varðar í heiminum.“
Fuellmich tilkynnti, að þýski lögfræðingahópurinn muni sjá öllum lögfræðingum, sem þess óska í öllum öðrum löndum og án kostnaðar, allar nauðsynlegar upplýsingar eins og áliti sérfræðinga og vitnisburði sem sannar að PCR-sýnatökur geti ekki sýnt fram á smit. Verður það gert í gegnum vaxandi alþjóðanet lögfræðinga í heiminum.
Fuellmich hefur unnið í 26 ár við málaferli gegn svikulum fyrirtækjum eins og Deutsche Bank sem áður var talinn einn helsti og viðurkenndasti banki heims en er í dag ein af mestu glæpastofnunum heims. Einnig Volkswagen sem var áður einn stærsti og virtasti bílaframleiðandi í heimi en fyrirtækið er í dag þekkt fyrir umfansmikið svindl varðandi díselmengun.
