Alþjóða heilbrigðismálastofnunin WHO ætlar að taka alheimsstjórn á „faröldrum framtíðarinnar“

Alþjóðaheilbrigðismálastofnunin, WHO, ætlar að ræna fullveldi sjálfstæðra ríkja í heilbrigðismálum. Stofnun Bill og Melinda Gates kostar stóran hluta fjárlaga WHO. Mynd: Leif Jørgensen

Unnið að sögulegri lagalegri skuldbindingu ríkja heims að afhenda fullveldi heilbrigðismála til WHO

Alþjóðaheilbrigðismálastofnunin WHO vinnur núna að alþjóðlegum „faraldurssáttmála“ með það yfirlýsta markmið að takast á við „faraldra framtíðarinnar.“ WHO segir í fréttatilkynningu, að um sögulegt réttarfarslegt framtak sé að ræða.

Alþjóðasamtökin WHO, sem eru fjármögnuð af Bill Gates, halda nú áfram tilraunum að fá „lagalega bindandi heimsfaraldurssamning“ til að takast á við heimsfaraldra í framtíðinni. WHO segir það „sögulegt réttarfarslegt verkfæri með rætur í stjórnarskrá WHO, hannað til að vernda heiminn gegn heimsfaröldrum framtíðarinnar.“ Verið er að vinna að frumdrögum „sáttmálans.“ WHO segir í grein miðvikudag:

„Aðildarríki Alþjóðaheilbrigðismálastofnunarinnar samþykktu í dag að þróa fyrstu drög að lagalega bindandi samningi, sem ætlað er að vernda heiminn gegn heimsfaröldrumí framtíðinni.“

Fullyrt er hér sé um mikilvægan áfanga á leiðinni til að „gera heiminn öruggari.“ Precious Matsoso hjá milliríkjasamninganefnd Alþjóðaheilbrigðismálastofnunarinnar segir:

„Besta tækifærið sem við höfum í dag sem alþjóðlegt samfélag til að koma í veg fyrir endurtekningu á fortíðinni er að koma saman í anda samstöðu, skuldbindingar um réttlæti og í leit að heilsu fyrir alla og þróa alþjóðlegt samkomulag sem verndar samfélög gegn ógnum heimsfaraldra í framtíðinni.“

Kínverskir kommúnistar stjórna WHO

Á sama tíma þykist WHO virða fullveldi landa. Hvernig það kemur heim og saman við einræðisstjórn á heilbrigðismálum í heiminum á eftir að koma í ljós. Drögin eiga að vera tilbúin til umræðna í febrúar 2023.

Fyrrverandi forseti Bandaríkjanna, Donald Trump er yfirlýstur andglóbalisti og í hans tíð hættu Bandaríkin aðild að WHO. Trump fullyrti meðal annars að kommúnistaríkið Kína stjórnaði WHO og ásakaði stofnunina um að „afvegaleiða heiminn“ varðandi covid-19. Um leið og Joe Biden varð forseti árið 2021 gerðust Bandaríkin á ný meðlimur í WHO. Þökk sé Biden, þá styrktist glóbalistastofnunin aftur og er nú orðin svo sterk, að hún ætlar að taka sér alræðisvald fyrir allan heiminn í heilbrigðismálum.

Hér má sjá uppkastið sem WHO vinnur að og ræna á fullveldi þjóða heims í heilbrigðismálum

Á myndbandinu hér að neðan má hlusta á fræga ræðu Trump gegn glóbalismanum á SÞ árið 2019:

Deila þessari frétt á samfélagsmiðla

Deila