Engin sértilboð á kjöti ef Alþjóða Náttúruverndarsjóðurinn WWF fær að ráða
Alþjóða Náttúruverndarsjóðurinn WWF hvetur matvöruverslanir til að hætta með sértilboð á kjöti, segir sænska Expressen. Ástæðan er sögð sú, að kjötneysla hefur svo afgerandi áhrif á loftslagið.
„Að draga úr kjötneyslu er ein mikilvægasta leiðin fram á við, bæði fyrir loftslagið og fyrir líffræðilegan fjölbreytileika á heimsvísu“ segir Anna Richert, háttsettur matvælasérfræðingur WWF, sem telur að „það sé mikilvægt að stjórnmálamenn og verslunin axli ábyrgð sína hér“.
Könnun, sem gerð var af hugveitunni Questionmark í samvinnu við WWF, sýnir að matvöruverslanir hvetja oft til neyslu á kjöti sem ekki er umhverfismerkt með sértilboðum en WWF leggs alfarið gegn ódýrari verði. Anna Richert segir:
„Það er vandamál, að matvöruverslanir bjóði út kjöt með þessum hætti. Þess vegna skorar WWF á matvöruverslanir að hætta að vera með sértilboð á kjöti, sem ekki er umhverfismerkt. Við trúum því, að matvöruverslun umbuni með þessum hætti neyslu sem er ekki sjálfbær.“