Áramótaspá Útvarps Sögu fyrir árið 2024 Guðrún Kristín Ívarsdóttir miðill

Á þessum tíma árs hefur verið venja um margra ára skeið að skyggnast aðeins fram á komandi ár og sjá hvað þar kunni mögulega að leynast. Í áramótaspánni fyrir árið 2024 fengum við Guðrúnu Kristínu Ívarsdóttur miðil í lið með okkur og fengum hana til þess að segja okkur hvað hún sér gerast á komandi ári og ætlum við hér að stikla á því helsta sem fram kom í viðtali Arnþrúðar Karlsdóttur við Guðrúnu Kristínu. Við viljum vekja athygli á því að spáin er einungis samkvæmisleikur.

Veðurfar og náttúruhamfarir – Gýs á fimm stöðum og meðal annars á Norðurlandi

Í spá hér á Útvarpi Sögu fyrir nokkru spáði Guðrún Kristín fyrir um það gos sem varð á Reykjanesi á dögunum sem hún sagði að myndi byrja sem lítið gos en svo kæmi stór gos. Guðrún segir að á komandi ári komi stærra gosið og verða gosin alls fimm talsins á fimm stöðum þvert í gegnum landið, það muni meðal annars gjósa í óbyggðum á Norðurlandi á svæðinu nálægt Skjálfanda. Næsta gos sem komi, verði mun stærra en það sem kom um daginn og svo muni virknin færast og segir Guðrún að hún sjái Bláfjöllin fyrir sér í því sambandi.

Hluti Grindavíkur undir hraun

Hvað varðar byggðina í Grindavík þá segir hún að þessi gos sem eigi eftir að koma leggist ekkert vel í Guðrúnu því hluti Grindavíkur muni verða hrauni að bráð. Fólk muni ekki geta snúið til Grindavíkur á næstunni og svæðið sé allt í sprungum en sérfræðingar séu ekki að segja fólki allt um það sem þeir viti. Þá muni varnargarðarnir við Svartsengi ekki halda og það verði miklar skemmdir, meðal annars á vikjuninni. Hún segir að hún vonist til að hún sé ekki sannspá í þeim efnum. Flugvellinum verður haldið gangandi meðal annars með sérstökum rafstöðvargámum sem koma erlendis frá.

Harður frostavetur framundan

Um veðurfarið segir Guðrún að hún sjái fyrir sér harðan vetur framundan með miklu frosti. Hún segir þetta tilkomið vegna hlýnunar jarðar og að veturnir verði lengri í framtíðinni heldur en við höfum áður þekkt. Við séum kannski vön að vera í um tíu stiga frosti en það verði algengara að frost fari upp í 20 gráður og við séum að fara í gegnum ákveðið kuldaskeið. Sumarið verði þó alveg ágætt þrátt fyrir kuldaskeiðið.

Snjóflóð fyrir vestan og stór skjálfti á Suðurlandi

Aðspurð um hættuna af snjóflóðum þá segir Guðrún að henni finnst hún sjá snjóflóð fyrir vestan og þá segir Guðrún að þá sé einnig hætta á snjóflóðum á svæðinu nálægt Vopnafirði og þar um slóðir og rétt væri að reisa þar varnargarða og nefnir í því sambandi bæði Neskaupstað og Vopnafjörð.

Um jarðskjálfta á árinu segir Guðrún Kristín að í kringum mánuðina ágúst og september verði stór skjálfti á Suðurlandi og eldfjöllin Hekla og Katla séu að vakna til lífsins en hún sjái svo sem ekki eldgos þar þó eins og staðan er nú.

Efnahagsmálin – nýr gjaldmiðill og seðlabankastjóri látinn fara

Því næst fór Guðrún yfir efnahagsmálin og segir hún að þjóðfélagið standi mjög illa hvað þau varðar. Hún segir líklegt að það þurfi að fara að taka upp annan gjaldmiðil hér á landi og líklegra sé að tekinn verði upp bandaríkjadollar frekar en evra. Hún segir að það sé ekki langt í að Ásgeir seðlabankastjóri fari úr embætti og það gerist á þann hátt að hann verði látinn taka pokann sinn. Það sé vegna þess að hann hafi ekki verið að gera góða hluti fyrir þjóðina, matarverð fari hækkandi og fólk sé að gefast upp.

Alþingiskosningar í maí 2024

Núverandi stjórn muni fara frá völdum vegna spillingar og segir Guðrún að spilið sé eiginlega búið nú þegar. Koma munu upp mörg spillingarmál meðal annars tengd Bjarna Benediktssyni sem sé í raun að vinna sem fjármálaráðherra á bak við tjöldin. Hún segist hörð á því að það muni verða kosningar í maí.

Áfram húsnæðisskortur í landinu

Um húsnæðismálin segir Guðrún að þau séu mjög erfið því það sé hrun hjá byggingarverktökum og það verður húsnæðisskortur áfram í landinu. Ekki bæti úr skák að tekið sé á móti miklum fjölda fólks erlendis frá. Nýjar áherslur og nýtt fólk inn á Alþingi muni gera kröfu um að Íslendingum verði sinnt betur sem þjóð. Það sem hafi líka verið að gera efnahaginn erfiðan sé að verið sé að nota alls kyns hamfarasjóði í stríðsrekstur sem ekki eigi að nota í stríðsrekstur og því ekki til fjármunir til þess að aðstoða til dæmis Grindvíkinga.

Stjórnmálin: Inga og Flokkur fólksins sigurvegari í kosningum

Þegar Guðrún er spurð nánar út í stjórnmálaaflið sem mun koma fram segir hún að um sé að ræða breytingar hjá Flokki fólksins. Þar muni koma mikið af nýju fólki inn bæði ungu og eldra fólki sem sé alveg búið að gefast upp á ástandinu og vill réttlæti. Inga og Flokkur fólksins muni því koma inn sem sigurvegari úr næstu kosningum. Þá segir Guðrún að með Ingu muni starfa Samfylkingin og Miðflokkurinn. Nánar spurð út í afdrif núverandi ríkisstjórnar og hneykslismálin sem koma munu upp segir Guðrún að þetta snúist allt um spillingu og í raun hafi samstarf stjórnarflokkanna verið búið fyrir jólafríið og það muni verða ljóst í janúar.

Formenn stjórnarflokkanna á útleið

Aðspurð um aðrar breytingar hjá flokkunum segir Guðrún að Bjarni Ben muni hætta sem formaður Sjálfstæðisflokksins og Þórdís Kolbrún muni taka við af Bjarna og Sjálfstæðisflokkurinn muni í raun klofna í tvo hópa. Þá segir Guðrún að Katrín Jakobsdóttir muni hætta sem formaður Vinstri grænna og snúa sér að loftlagsmálunum en Vinstri grænir hverfa af sjónarsviðinu. Nýr flokkur skipaður yngra fólki mun líta dagsins ljós og það verða miklar breytingar hvað stjórnmálin varðar. Gerð verður krafa um betri lífskjör og bættan efnahag svo fólk geti keypt sér íbúðir. en þá sé Vandinn sé staða byggingaverktakanna svo það þarf að byrja alveg á grunninum, það verði þriggja ára tímabil sem verði nýtt til þess að komast á betri stað.

Hún segir Sigurð Inga vera búinn að missa trúverðugleikann og hann verði ekki áfram formaður flokksins og ungur dökkhærður maður taki við embættinu af Sigurði.
Hún segir Viðreisn halda áfram sínu striki og þar verði óbreytt staða innan flokksins og þá verður flokkurinn áfram í stjórnarandstöðu á þingi.

Spillingarmálin tekin fyrir – Íbúðalánasjóður og Lindahvoll

Hvað spillingarmálin varðar segir Guðrún að fjölmiðlar muni opna eitthvað inn á spillingarmálin sem koma upp, þar á meðal megi nefna mál Íbúðalánasjóðs og verður farið ofan í kjölinn á því. Þá mun líta dagsins ljós önnur skýrsla varðandi Lindarhvolsmálið og verður það mál tekið fyrir að sögn Guðrúnar. Þessi mál hafi verið mjög falin en með nýju áherslum í stjórnmálunum og breyttum aðstæðum þá muni þetta fara að breytast.

Erlendu öflin sem vilja stjórna hér tengjast Katrínu Jakobsdóttur

Aðspurð um þau erlendu öfl sem hafa seilst til áhrifa hér á landi segir Guðrún að rétt sé að þau hafi verið að hafa áhrif hér og að þessi öfl tengist Katrínu Jakobsdóttur og það eigi eftir að koma í ljós á nýju ári.

Biskupskosningar- Guðrún Karls næsti Biskup yfir Íslandi

Guðrún segir að í komandi biskupskjöri muni kona sem gegnir prestsembætti í Garðasókn bjóða sig fram sem og Davíð Þór Jónsson fyrrverandi prestur í Laugarneskirkju. Þá muni séra Guðrún Karls Helgudóttir sóknarprestur í Grafarvogskirkju einnig bjóða sig fram og að lokum verða næsti Biskup yfir Íslandi. Hún hafi góðan grunn og það verði miklar breytingar innan kirkjunnar þegar hún tekur við embættinu. Nýr biskup muni reyna að byggja upp traust til kirkjunnar að nýju og koma kristninni aftur inn í skólanna. Næsta haust muni þær breytingar sem reynt hefur verið að troða inn í skólana verða ræddar og í framhaldinu verði ákveðið að reyna að halda aftur á þau mið að halda í þau gömlu gildi sem voru.

Forsetakosningar – Lilja Alfreðsdóttir ráðherra verður næsti forseti

Um komandi forsetakosningar segir Guðrún að hún sé ekkert viss um að Guðni muni bjóða sig fram á ný því hann sé orðinn þreyttur á að vera í embættinu og segir Guðrún harðákveðin að hún sjái fyrir sér að Lilja Alfreðsdóttir ráðherra og varaformaður Framsóknarflokksins verði næsti forseti Íslands. Hún sé komin með leið á að vera í Framsóknarflokknum og hætti í stjórnmálum og muni bjóða sig fram og ein önnur kona og þegar yfir lýkur muni Lilja fara með sigur af hólmi.

Dóms og lögreglumál – Hart tekið á glæpum erlendra aðila

Um dóms og lögreglumálin segir Guðrún að hún sjái fyrir sér að í hryðjuverkamálinu svokallaða verði mennirnir tveir sem voru ákærðir fyrir að skipuleggja möguleg hryðjuverk verði sýknaðir að lokum og þeim muni verða dæmdar bætur. Hún segir að nýr dómsmálaráðherra sem verði karlmaður muni gera ákveðnar breytingar á lögreglunni. Innan lögreglunnar sé mikið um eineltismál og mikið ófremdarástand. Ýmislegt innan lögreglunnar verður upprætt og það mun nýr dómsmálaráðherra gera með breytingunum enda séu glæpir að verða sífelt harðari hér heima og sér í lagi vegna þeirra erlendu glæpagengja sem hér séu, meðal annars mafíu frá Albaníu. Þá muni vopnaburður lögreglu verða algengari. hún segir að tekið verði mjög hart á glæpum erlendra aðila hér á landi og þeir verði sendir úr landi sem hér fremja glæpi.

Íþróttir og listir

Guðrún segir að Már Gunnarsson sundkappi og þáttastjórnandi á Útvarpi Sögu muni gera það gott á árinu og komast í fréttirnar. þá muni ung fótboltakona vekja mikla athygli á árinu sömuleiðis fyrir sín afrek en Guðrún segir að hún sjái engin nöfn í því sambandi.

Í tónlistinni segir Guðrún að klassískur söngvari muni ná mjög langt á árinu en um sé að ræða ungan mann.

Utanríkismálin – Bandaríkin stöðva átökin á GAZA

Um stríðið á Gaza segir Guðrún að hún sjái því miður fyrir sér miklar blóðsúthellingar næstu þrjá mánuðina. Hún segir að þegar komi að því að stríðið fari að breiða aðeins meira úr sér, jafnvel til Líbanon muni Bandaríkin stíga inn í og stöðva stríðið. Gaza svæðið verði þurrkað út, fólkið flýji á brott eftir mjög mikið mannfall. Þá sér Guðrún fyrir sér að þær góðu fréttir muni gerast fljótlega eftir áramótin að Julian Assange verði sleppt úr haldi fljótlega eftir áramótin. Það verði gert að tilstuðlan Joe Biden sem muni gefa honum upp sakir. Guðrún segir stríðið í Úkraínu í raun vera búið og að hún sjái það fyrir sér að þar muni nýr forseti taka við völdum af Zelensky sem hafi fengið fólk upp á móti sér.

Guðrún segir að hún sjái stríð brjótast út í Kína. Þar muni kjarnorkuvopn sem og gervigreind spila ákveðið hlutverk. Kínverjar berjist við Taiwan en Bandaríkjamenn muni á einhverjum tímapunkti fara inn í deilurnar. Hún segist þó ekki sjá heimstyrjöld í kortunum.

Forsetakosningar í Bandaríkjunum – Donald Trump forseti

Þá segir Guðrún að Donald Trump muni fá að bjóða sig fram til forseta og það muni hann gera. Hann muni einnig verða forseti að kosningum loknum. Þó sjái hún líka þann möguleika að dökk kona verði forseti en það sem sé allavega ljóst er að dagar Joe biden séu taldir í embætti og mun hann ekki bjóða sig fram að nýju og hneykslismál sem varða son Biden munu koma honum illa. Kona mun hins vegar bjóða sig fram fyrir hönd demókrata. Hræðsla andstæðinga við Trump er ekki tilkomin af ástæðulausu því hann muni fletta ofan af hverju spillingarmálinu á fætur öðru. Þá sé Trump maður friðar sem vinni með honum í embætti og hann vilji koma á friði hér á jörð.

Þá segir Guðrún að það muni koma fréttir af því á árinu að Covid veiran hafi verið búin til og að raunverulegur tilgangur þess að sprauta bóluefni við henni í fólk hafi verið til þess að fækka mannkyninu. Aðspurð um hvort einhverjir verði dregnir til ábyrgðar vegna þess segir Guðrún að hún yrði ekki hissa ef svo yrði. Hún segist sjá eitthvað lyfjafyrirtæki í Bandaríkjunum í tengslum við málið.

Rétt er að benda áhugasömum á sem vilja bóka einkatíma hjá Guðrúnu þá er hægt að smella hér

https:77noona.is/midluni7himni

Deila þessari frétt á samfélagsmiðla

Deila