Það var gríðarlegur áróður rekinn fyrir því að allir skyldu fara í Covid bólusetningar sem hafa leitt af sér mikinn skaða fyrir fjölmarga á meðan hægt hefði einfaldlega verið að gefa D-vítamín sem hefði drepið niður Covid. Þetta var meðal þess sem fram kom í máli Guðmundar Karls Snæbjörnssonar sérfræðings í heimilislækningum en hann var gestur Arnþrúðar Karlsdóttur og Péturs Gunnlaugssonar.
Guðmundur benti á að það liggi fyrir mikill földi rannsókna sem sýnir að D-vítamín gagnast mjög vel gegn efri loftvegs sýkingum og Covid sé einmitt efri loftvegar sýking. Því hefði D-vítamín kúr að öllum líkindum gagnast lang flestum þeim sem fengu Covid.
Afleiðingar bólusetninganna ekki að fullu komnar í ljós
Aðrar leiðir en bóluefnin og bólusetningar gegn Covid hefði alls ekki mátt ræða og meira segja var lyfið Ivermectin tekið af markaði til þess að neyðarleyfi fengist fyrir Covid bóluefnunum. En tilraunir með Ivermectin höfðu einmitt gefið góða raun gegn Covid. Það hafi hins vegar verið svo að það hafi alls ekki mátt ræða neinar aðrar leiðir heldur en bólusetningar og þrýst mjög á fólk að fara í bólusetningu, sem mjög margir gerðu með afleiðingum sem enn ekki sjái fyrir endann á.
Alþingismenn fengu ekki að sjá mikilvæga samninga
Þrátt fyrir þetta var vitað að rannsóknir Pfizer höfðu sýnt að bóluefnið hefði engin áhrif á Covid, hvorki vörðu fólk gegn því né drógu úr einkennum. Þá eins og frægt er orðið var mikilli leynd haldið yfir innihaldi Covid bóluefnanna auk þeirrar miklu leyndar sem voru yfir samningum sem gerðir voru um kaup á bóluefnunum. Hér á landi hafa þingmenn ekki enn fengið að sjá bóluefnakaupsamningana né fengið upplýsingar um hversu miklu fé var varið til kaupa á bóluefnunum.
Hlusta má á ítarlegri umfjöllun í spilaranum hér að neðan