Ástralía stöðvar aukasprautur covid-bóluefna fyrir alla undir 30 ára aldri

Áströlsk yfirvöld bakka í harðneskjulegri afstöðu til covid-bóluefna. Frá „búðum fyrir óbólusetta“ er nú komið annað hljóð í strokkinn og fólki undir 30 ára aldri ráðlagt að ekki taka viðbótarsprautur (samsett mynd: bratislavskysamospravnykraj CC 2.0/gencat cat CC 0).

Yfirvöld loksins farin að sjá samhengi hjartáfalla við covid-bóluefnin

Í Ástralíu hafa yfirvöld staðfest að hættan á hjartavöðva- og gollurshúsbólgu frá fjórðu covid-bóluefnissprautunni gæti verið meiri en af sjálfri kórónaveirunni og því hafa þau hætt að auka skammta fyrir fólk undir 30 ára aldri.

Ástralía var eitt af þeim löndum, sem gekk hvað harðast gegn eigin landsmönnum í heimsfaraldrinum og þá sérstaklega þeim, sem neituðu að láta bólusetja sig. Núna er kominn annar tónn í strokkinn. Stjórnvöld telja hættuna á hjartavöðvabólgu og gollurshúsbólgu eftir bólusetningu nægilega alvarlega til að birta 13 síðna leiðbeiningar um málið (sjá skjal á ensku neðar á síðunni):

„Hjá körlum á aldrinum 16-40 ára er óvíst hvort áhættan eftir covid-19 sé áfram meiri en áhættan eftir bólusetningu.“

Pfizer og Moderna hefja klínískar rannsóknir á langtíma hættum á hjartabólgu 18 mánuðum eftir að „örugg og árangursrík“ bólefni voru sett á markaðinn

Flest tilfelli hjartavöðvabólgu sem tilkynnt hefur verið um eftir COVID-19 bólusetningar hafa komið fram hjá körlum yngri en 40 ára og flest hafa komið innan 1-5 daga (að meðaltali 2 dagar) frá öðrum skammti af mRNA bóluefni. Hjartavöðva-/gollurshússbólga er algengari eftir annan skammt af Moderna bóluefni samanborið við síðari skammt af Pfizer og AstraZeneca.

Í leiðbeiningunum segir ennfremur að engar rannsóknir séu til á langtíma hættum af hjartavöðvabólgu eftir covid bólusetningu. Að sögn stjórnvalda leiða flest tilfelli til innlagnar á sjúkrahús og sum til dauða.

Í síðustu viku hófu Pfizer og Moderna klínískar rannsóknir til að rannsaka langtímaáhrif hjartavöðvabólgu eftir bólusetningu með mRNA bóluefnum sínum. Rannsóknirnar hefjast um það bil 18 mánuðum eftir að covid-bóluefnin komu á markaðinn með loforði um að vera „örugg og árangursrík.“

Deila