Innanbúðarátök í ríkisstjórninni valda því að málum sem varða almannahag og stefnumál sem ríkisstjórnarflokkarnir hafa sett á oddin er nú pakkað ofan í skúffu og verða ekki afgreidd á þessu þingi því þingið lýkur störfum í kvöld öllum að óvörum. Þetta var meðal þess sem fram kom í máli Helgu Völu Helgadóttur þingmanns Samfylkingarinnar í Fréttum vikunnar í dag en hún var viðmælandi Arnþrúðar Karlsdóttur og Péturs Gunnlaugssonar.
Aðspurð um hvaða mál það séu hjá ríkisstjórninni sem ekki verði afgreidd segir Helga að sem dæmi megi nefna bókun 35 sem að hennar mati sé nauðsyn að afgreiða til þess að skýra lögin til samrmis því sem Hæstiréttur hafi sagt og sé í lögunum nú þegar.
„það er til dæmis ekki að komast í gegn útaf innanbúðarátökum innan Sjálfstæðisflokksins þó þetta sé frumvarp frá dómsmálaráðherra. Frumvarpi um forvirkar rannsóknarheimildir sem kemur líka frá dómamálaráðherra er líka pakkað ofan í skúffu þrátt fyrir mikla áherslu á að það verði að klára. Svo er það auðvitað stóra flaggskip forsætisráðherra sem er þingsályktunartillaga um aðgerðaráætlun gegn hatursorðræðu sem ekki verður tekið fyrir bara svo ég nefni einhver dæmi, það er svona mál sem var mikil áhersla lögð á að klára á þessu þingi“segir Helga Vala.
Þá séu fjöldin allur af minni málum sem verið sé að pakka niður sem hefði verið auðvelt að afgreiða ef viljinn væri fyrir hendi, það séu þess háttar mál að þau kalli ekki á sérstaklega mikla umræðu segir Helga.
Aðspurð um hvað hangi á spýtunni annað en átök innan ríkisstjórnarinnar valdi því að þingið sé sent heim með svo skyndilegum hætti og hvaða mál það séu í farvatninu sem þoli ekki að þingið sé starfandi þegar þau komi fram. Helga segir að það viti hún ekki.
“ en hafandi verið mikil áhugakona um pólitík kannski lengur en góðu hófi gegnir þá veltir maður fyrir sér hvað sé raunverulega í gangi en þetta kemur mjög skjótt upp og öllum að óvörum að þetta væri línan því að á mánudaginn var verið að tala um að við myndum vera fram til 16.júní svo maður skilur alls ekki þennan mikla viðsnúning á einni nóttu“ segir Helga.
Hún segist ekki alveg gera sér grein fyrir hvort málið tengist málum sem séu að koma inn eða hvort það tengist ráðherrakapli.
„hvort þetta sé vegna þess að lofta þurfi út vegna mögulegrar styrjaldar vegna ráðherraskipta, að þetta snúist mögulega um stóla en ekki um málefnin enn einu sinni og kemur almenningi í raun ekki mikið við“
