Samtökin Internews eiga að styðja „óháða blaðamennsku“ í Ungverjalandi. En allt er í raun fjármagnað af Biden-stjórninni í Bandaríkjunum ásamt George Soros og Rockefeller Foundation, segir Breitbart News.
Ungverska dagblaðið PestiSráco vekur athygli á fjárfestingu Internews á svokallaðri andófsblaðamennsku í Ungverjalandi. Blaðið túlkar það sem svo, að Bandaríkin séu að reyna að blanda sér í stjórnmálin í Ungverjalandi.
Internews er svo til eingöngu fjármagnað af bandarískum stjórnvöldum. Það fær einnig peninga frá Open Society, stofnun vinstri milljarðamæringsins George Soros og einnig frá Rockefeller Foundation, Rockefeller Brothers Fund og Rockefeller Family & Associates. Bandarískir netrisar eins og Google og Facebook leggja einnig sitt af mörkum til hinnar „óháðu“ blaðamennsku. The European Conservative greinir frá því, að Bandaríkin hafi þegar ár 2017 reynt að fjármagna „óháða“ fjölmiðla í Ungverjalandi, en að áætlunin hafi verið stöðvuð af Trump-stjórninni.
Samskipti Bandaríkjanna og Ungverjalands hafa versnað enn frekar á þessu ári vegna afstöðu ungverskra stjórnvalda til stríðsins í Úkraínu. Viktor Orban, forsætisráðherra, hefur talað fyrir friðarlausn, en Bandaríkin vilja þess í stað halda stríðinu gangandi og styðja Úkraínu með vopnum.
Nýlega kom í ljós að svokölluð „frjáls félagasamtök“ í Bandaríkjunum með tengsl við George Soros, fólk nálægt Hillary Clinton og öðrum glóbalista samtökum eins og Council on Foreign Relations – hafa gefið ungversku stjórnarandstöðuflokkunum margar milljónir evra.
