Óháð bóluefnaráðgjafarnefnd Smitsjúkdómavarnastofnunar Bandaríkjanna „Centers for Disease Control and Prevention“ CDC kaus einróma (15-0) í s.l. viku að bæta COVID-19 bóluefnum fyrir börn allt niður í 6 mánaða gömul við nýju bólusetningaráætlunina fyrir börn og unglinga, sem verður byrjað að framkvæma í febrúar 2023. Umræður áður en ákvörðun var tekin voru minni en ein mínúta. Frá þessu greinir Heilsuvernd barna þar sem Robert Kennedy jr. er stjórnarformaður.
Tók minna en eina mínútu að koma inn Covid-bóluefnunum í hefðbundna bólusetningaráætlun barna
Ákvörðunin um að bæta Covid bóluefnum í hefðbundna sprautuáætlun fyrir börn, þar sem gefnar eru sprautur gegn lömunarveiki, kíghósta, rauðum hundum m.m. mætir harðri andstöðu þekktra vísindamanna eins og Dr. Robert Malone, sem skrifar á Substack:
„Ríkisheilbrigðiskerfið notar áætlunina til að ákvarða hvaða bóluefni þarf til að börn geti farið í skóla. Já, sum ríki hafa strangari kröfur en önnur. Sum ríki leyfa „afþökkun“ en á endanum fylgja flest ríki leiðbeiningum CDC. Óháða bóluefnaráðgjafarnefnd CDC setur virkan staðal um heilsuumönnun á þessu sviði.“
Ástæðan fyrir þessum skrifum Dr. Robert Malone er að sumir nefndarmenn reyndu að mæta gagnrýninni með þeim rökum, að hér væri eingöngu um ráð að ræða en yfirvöld hvers ríkis ákvæðu sjálf hvort þau myndu lögleiða sprautu gegn Covid í heilsuáætlun viðkomandi ríkis í heilsufarsáætlun barna. Og eins og Dr. Malone skrifar þá fylgja flestöll ríkin ráðleggingu CDC á endanum.
Robert F. Kennedy Jr, stjórnarformaður Heilsuverndar Barna sagði um ákvörðun CDC:
„Þessi gáleysislega ákvörðun er endanleg sönnun um það vantraust, þá spillingu og yfirtöku á heilsufarstofnun, sem einu sinni var til fyrirmyndar. Nefndarmenn óháðu bóluefnaráðgjafanefndarinnar hafa enn og aftur sýnt fram á, að tryggð þeirra við forráðamenn lyfjafyrirtækjanna eyðir öllum leifum af áhyggjum sem þeir kunna að hafa haft um velferð barna eða lýðheilsu.“
„Þetta er barnamisnotkun í stórum stíl.“
Lyfjaframleiðendur ekki ábyrgir fyrir afleiðingum bóluefna sem smitsjúkdómastofnunin hefur sett á lista bólusetningaráætlunarinnar fyrir börn
Sækja má lyfjaframleiðendur til skaðabóta af leyfðum bóluefnum en ekki ef þau eru með á opinberum lista bóluefna í bólusetningaráætlun fyrir börn. Ef aukaverkanir koma fram, þá verða foreldrar barnanna að sækja um skaðabætur þess í stað til þjóðlegs tryggingasjóðs fyrir bólusetningar „National Vaccine Injury Compensation Program“ VICP.
Engu að síður var ákveðið að Covid-19 bóluefnin myndu heldur ekki falla undir skilgreiningu um að njóta tryggingar þjóðlega tryggingasjóðsins heldur eiga fórnarlömb aukaverkana vegna Covid-19 bóluefna að fá bætur eftir öðru kerfi CICP „Countermeasures Injury Compensation Program“ en fram að þessu hafa einungis sex einstaklingar fengið bætur eða hluta bóta sem leyninefnd stofnunarinnar hefur samþykkt.
Árlegar Covid-sprautur fram að 18 ára aldri
Covid sprauturnar verða árlega frá 6 mánaða aldri sem þýðir 18 bólusetningar samanlagt (sem gætu orðið fleiri) sem bætast við aðrar bólusetningar bólusetningaráætlunarinnar fyrir börn. Samkvæmt Toby Rogers Ph.D hafa sprauturnar lítið með heilsu barna að gera en allt með tekjur lyfjafyrirtækjanna að gera:
„Á einni nóttu fer bólusetningaráætlun barna úr 54 bólusetningum í 72 (fleiri miðað við MMR). Þetta hefur nákvæmlega ekkert með heilsu að gera – þetta snýst allt um gróða og völd.“
Viðurkenndar ráðleggingar um COVID-19 bóluefni sem taka gildi árið 2023 (árlegir skammtar):
- Aldur 6 mánaða-4 ára: 2 skammtar á 4-8 vikum (Moderna) eða 3 skammtar á 3-8, 11-16 vikum (Pfizer-BioNTech)
- Aldur 5-11 ára: 2 skammtar á 4-8 vikum(Moderna) eða 2 skammtar á 3-8 vikum (Pfizer-BioNTech)
- Aldur 12-18 ára: 2 skammtar á 4-8 vikum (Moderna) eða 2 skammtar á 3-8 vikum (Novavax, Pfizer-BioNTech)