BERGMÁLSHELLIR STJÓRNVALDA

Hallur Hallsson skrifar

Þann 19. apríl síðastliðinn birtist stórmerk grein í Morgunblaðinu eftir Arnar Þór Jónsson lögmann & Svölu Magneu Ásdísardóttur fjölmiðlafræðing. Fréttin.is hefur birt greinina á opnum vettvangi & ber að þakka fyrir það sem & umfjöllun Útvarps Sögu & þætti Arnars þar. Ég reifa hér greinina efnislega. Svala & Arnar benda á að í maí 2020 var fréttafólk gert að ‘framlínufólki’ að tilmælum Fjölmiðlanefndar & ríkislögreglustjóri bætti fréttafólki á lista sem framlínufólki án þess að nokkur andmælti. Fjölmiðlar urðu ritrýnt bergmál þríeykisins sem tekur við skipunum frá lyfjarisum – Big Pharma. Fjölmiðlar urðu sviðspallur stjórnvalda & gagnrýnin orðræða útilokuð. Fréttafólk boðar rétttrúnað sem hin nýja ‘prestastétt’ & vísindaleg rökræða útilokuð.

Svala & Arnar benda á ‘Trusted News Initiative’ þar sem stærstu fréttaveitur veraldar & alþjóðafirmu taka höndum saman um samræmdar fréttir á rauntíma til að ‘verja almenning fyrir falsfréttum.’ Hættan af kórónaveirunni varð fyrir vikið stórlega ofmetin. Í ársskýrslu Fjölmiðlanefndar er skýrt frá því að 2019 var skrifað undir samning Evrópusambandsins við tæknirisana Facebook, Google, Twitter, Mozilla, Microsoft og TikTok um ritskoðun. Samráðshópur evrópskra fjömiðlanefnda fylgdist með að rétttrúnaði væri fylgt, þar á meðal á Íslandi & þá fyrir kosningarnar til Alþingis 2021.

Efasemdir um opinbera stefnu voru stimplaðar samsæriskenningar; heilbrigður efi bældur, andmæli voru úthrópuð fáviska, þekkingarleysi og jafnvel vænisýki. Fréttafólk hætti að veita stjórnvöldum aðhald og varð framlenging ríkislögreglustjóra, landlæknis og sóttvarnalæknis. Fjórða valdið var í reynd tekið úr sambandi. Hér er vel greint. Alvarlegum atburðum er lýst af miklu innsæi, þekkingu & hógværð.

FAZISMI Í DYRAGÆTTINNI

Af þessu tilefni bæti ég við. Með einu pennastriki var málfrelsi tekið úr sambandi & ríkisfé dælt í hlýðna fjölmiðla. Vestrænn fazismi er mættur í dyragættina. Nóbelslyfið Ivermectin lýst hrossamixtúra & áttatíu ára gamalt margreynt Hydroxochloroquine uppnefnt klór sem ekki megi drekka.

Ég hafði sagt ykkur frá samstarfi ríkismiðla EBU & BBC með þátttöku RÚV um ritrýndar fréttir á rauntíma í samstarfi við Davos-miðla. Sama mantran er þulin á rauntíma um allan heim. Með leynisamningi fól ríkisstjórn Íslands lyfjarisanum Pfizer að sprauta fólkið í landinu með tilraunalyfjum með nýrri mRNA tækni sem breytir genum fólks, sumsé frumum. mRNA er vafið inn segulmagnaðar graphene oxíð perlur. Til hvers ætli það sé? Um það er fólk ekki upplýst. Fjölmiðlar hafa smalað fólki & börnum til genabreytinga án upplýsts samþykkis & ræningjarnir í Kardemommubænum kallaðir upp á svið til að róa börnin. Þetta er ekki hægt að skálda.

NURNBERG-SIÐAREGLUR

Í kjölfar tilrauna í fangabúðum nazista voru Nurnberg-siðareglurnar samþykktar árið 1947. Alþjóða Glæpadómstóllinn í Haag ICC settur á laggirnar 2002 á grundvelli Rómarsamþykktarinnar 1998. Ísland er aðili að ICC en Bandaríkin, Rússland & Kína ekki, svo dæmi séu tekin. 1. grein Nurnberg-siðareglnanna kveður á um samþykki manneskju til þátttöku í lyfjatilraun af frjálsum vilja, án svika & blekkinga. Breskum ráðamönnum með Boris Johnson í broddi fylkingar hefur verið stefnt fyrir Alþjóða glæpadómstólinn í Haag. Margir víða um lönd munu enda í steininum.

ERUÐ ÞIÐ TILBÚIN – ARE YOU READY

Þann 30. mars síðastliðinn var haldin The World Government Summit í Dubai þar sem elíta heimsins var samankomin. Hugsið ykkur. World Government Summit. Í umboði hvers? ‘Erum við tilbúin fyrir New World Order?‘ var yfirskrift umræðu. Klaus Schwab opnaði ráðstefnuna; leiðtogi World Economic Forum WEF hinna ofsaríku í Davos sem boðar One World Government, Alheimsstjórn þar sem almenningur verður sviptur eigum en Klaus lofar hinum undirgefnu hamingju.

Tilkynnt var um nýtt rafrænt greiðslukerfi í stað peninga. Hefur þú verið spurður? Stóri Bróðir veit allt & ef vart verður andófs þá verður fólk strokað út, bjargarlaust. Schwab kveður Covid stóra tækifærið til Great Reset sem Festa útvörður Davos á Íslandi boðar af svo miklum eldmóð. Þeir boða 4. Iðnbyltingu róbóta í stað starfsmanna á plani. Óbreytt alþýðufólk þvælist fyrir, þeir segja að þurfi að fækka fólki.

Helsti ráðgjafi Schwab heitir Yuval Harari. Hann lýsir því hvernig mannfólk verði hakkað til að stýra heilabylgjum & stjórna skoðunum. Harari lýsir framtíð handan horns. Af hverju Graphene Oxiíð? Hvers vegna 5G möstur? Vitið þið af tilraunum með 5G hér á landi? Fólk fær ekki flúið því í framtíðarríki Schwab verður bara rafrænt fé & hakkað andóf. Stóri Bróðir alltaf alls staðar á öxlum fólks.

Síðustu 30 ár hefur geisað plága eftir plágu & styrjöld eftir styrjöld. Tilviljun?

Deila