Bíllinn er frelsi sem loftslagskommúnisminn vill taka af okkur – hvar eru mótmælin?

Bíllinn er tákn um frelsi einstaklingsins, sem ekki má lengur finnast ef glóbalistarnir fá að ráða. Myndin sýnir eldri gerð bandarísks bíls, þegar frelsi einstaklingsins var í hávegum haft (mynd Dreamstime).

Að eiga bíl er sama og að vera frjáls

Glóbalistarnir eru að taka frelsið af fólki með ofstækisfullu stríði gegn einkabílaeign. Rafbílar eru „ómögulegur jöfnuður“ og aðeins lítill hópur fólks mun geta átt þá, segir Magnus Stenlund í fréttagreiningu Swebbtv. En hvers vegna er enginn að mótmæla? Hvar eru heykvíslarnar? Bann glóbalistanna við bensín- og dísilknúnum bílum – sem að sögn Stenlund byggir á kommúnískri, marxískri hugsun – er í dag stærsta ógnin við frelsi mannsins.

Að geta átt og keyrt eigin bíl er það sama og mannlegt frelsi. En núna eru glóbalistarnir að banna bensín- og dísilknúna fólksbíla. Framleiðsla slíkra bíla verður stöðvuð innan ESB þegar árið 2035, sem mun hafa afleiðingar miklu fyrr. Þess í stað eru það rafbílar sem gilda – þrátt fyrir að slík heildarbreyting sé ómöguleg í framkvæmd. Rafbílar þurfa mikið magn af rafmagni, málmum – og eru mjög dýrir. Venjulegt fólk mun ekki hafa efni á að kaupa þá og geta í mesta lagi tekið rafbíla á leigu segir Stenlund:

„Þegar við segjum að þetta gangi ekki, er ljóst að þeir skilja það. Þeir vita það, segir Magnus Stenlund og vísar til „þeirra sem ákveða“ það er að segja glóbalistahópsins World Economic Forum.

Aðeins á höndum fárra að eignast rafbíla í framtíðinni

„Þegar þetta er ákveðið, þá er ekki verið að gæta þess, að við eigum að hafa það jafn gott í framtíðinni. Þetta er fáránlegt. Þeir eru ekki að hugsa um okkur. Þeir telja, að töluvert takmarkaður hópur fólks eigi að geta átt bíl. Það er að segja efri millistéttin, sem hefur efni á því.“

„Við hin eigum að ferðast með almenningssamgöngum, nema þegar snjóar og lesta- og strætisvagnaferðir falla niður. Já – við eigum að sætta okkur við það. Þetta er mikil breyting á því persónulega frelsi okkar, sem bíllinn er. Á 20. öldinni hefur þetta verið meira afgerandi fyrir frelsið og frelsun mannsins en nokkurt annað verkfæri, sem nú verðu bara tekið af okkur – án nokkurrar umræðu. Heykvíslarnar mættu alveg koma fram…en nei, þessu er leyft að gerast.“

Glóbalistarnir vilja aðeins gera okkur fátækari – „Burtu með krumlurnar“ segir Jordan Peterson

Rafbílar eru ómögulegt dæmi. Peningarnir munu ekki duga. Ekki ef menn reikna með því, að venjulegt fólk geti átt bíla á sama hátt og í dag. Trúi maður því, að dæmið gangi upp er maður á hálum ís:

„Það er misskilningur sem byggir á marxískum, kommúnískum og sósíalískum meginreglum, þar sem talið er að hægt sé að fá allt með því að sleppa ýmsum hlutum. En það er bara meiri velmegun sem getur aukið fjölda rafbíla. En glóbalistarnir vilja ekki gera okkur ríkari – aðeins fátækari.“

Hinn heimsþekkti Jordan Peterson sálfræðiprófessor hefur einnig tekið upp baráttuna gegn tilraunum glóbalistanna að stöðva einkaeign á bílum, sem er gert undir því yfirskini að „bílar ógni loftslaginu.“

„Burtu með dj…..krumlur ykkar frá bílnum mínum.“

Þar eru mörkin hjá Peterson. Glóbalistarnir ráðast á bílaeign fólks vegna þess að bílar „standa fyrir róttækt sjálfræði og friðhelgi einkalífs“ segir hinn heimsþekkti prófessor sjá nánar tíst að neðan.

Deila