Að eyðileggja sögulegar minjar – styttur, af því að þær passa ekki við söguútskýringar marxismans er það sem vinstriöfgahópar fást við um þessar mundir. Virðist sem reynt sé að afmá „rangar sögulegar minningar fávísa lýðsins” eins og einn kunnur íslenskur sagnfræðingur sagði í fyrirlestri.
Black lives matter nýtir sér kynþáttavandamál til að æsa upp til óeirða í klassískum marxískum stíl til að kollvarpa samfélaginu. M.a. er fjölmiðlafólk með óhentugar skoðanir rekið úr störfum eins og t.d Nigel Farage frá útvarpsstöð LBC en hann bar saman Black lives matter við talíbana í Afghanistan. Síðar skrifaði hann: „Black lives matter eru öfgavinstri marxistasamtök sem vilja afnema lögregluna og útrýma auðvaldshyggjunni.”
Í Svíþjóð var Alexander Bard rekinn úr þætti á TV4 vegna þess að hann sagði að Black lives matter væru eins og stalínistar og íslamistar og skrifaði: „Þetta er hættulegasta hreyfingin sem til er núna með kröfum um að útrýma vestrænni menningu”.
Yfirvöld í sumum löndum taka upp stefnu marxista í kerfisbundnum atlögum gegn lögreglunni eins og í Frakklandi þar sem ríkisstjórnin reyndi að setja í lög að reka mætti lögreglumenn vegna „gruns um kynþáttahatur”. Sem betur fer stöðvuðu lögreglusamtök Frakklands þá vitleysu í öflugum mótmælum um allt land.
Í Svíþjóð hefur Black lives matter haft sig frammi með kröfugöngum, árásum á lögreglu og brot á kórónureglum. Hafa meðlimir hreyfingarinnar sett fram hugmyndir um styttur sem eigi að eyðileggja t.d. styttur af vísindamanninum Carl von Linné eins og einn skrifaði: „Ég meina, það eru styttur af honum út um allt: Í Stokkhólmi, Malmö, Gautaborg, Uppsala m.m. Ég hata styttuna í Humlegarðinum sem alltaf starði á mig þegar ég borðaði hádegismatinn minn.”
Ivar Arpi hjá Sænska Dagblaðinu skrifar að „það sem byrjaði í mótmælum gegn ofbeldi lögreglumanna gegn blökkumönnum er orðið að menningarbyltingu”.