Brenna hefði átt alla skammta meints „bóluefnis“ gegn Covid frá upphafi í stað þess að gera það núna, þegar enginn vill taka það hvort eð er. „Þá hefði verið hægt að bjarga lífi og heilsu Evrópubúa“ fullyrðir ESB-þingmaðurinn Mislav Kolakusic á ESB-þinginu. Kolakusic telur að um sé að ræða „stærsta spillingarhneyksli í sögu ESB.“
Swebbtv segir frá: Króatíski ESB-þingmaðurinn Mislav Kolakusic kemur enn með nýja, óvægna gagnrýni á valdaelítu ESB (sjá tíst neðar á síðunni). Hann er vægast sagt óhress með Covid bóluefnið og bendir á, að nú verði að fleygja því, þar sem enginn vilji það lengur. Og það verður að fleygja MÖRGUM skömmtum. Að sögn Kolakusic hefði verið betra að kveikja í skömmtunum þegar frá upphafi:
„Við erum vitni að brennslu út um allan heim á milljörðum skömmtum af svokölluðu Covid-bóluefni, sem enginn vill. Milljarðar evra af skattfé eru brenndar og enginn spurði borgarana, þegar þessir skammtar voru keyptir. Enginn spurði neitt, ekki einu sinni kjörnir fulltrúar okkar sem voru kosnir af meðborgurunum til að vernda heilsu þeirra og eignir. Það hefði verið betra, ef við hefðum strax brennt upp allt bóluefnið og þar með bjargað mörgum mannslífum og heilsu borgaranna.“
„Samningur um kaup á 4,6 milljörðum skammta fyrir 360 milljónir fullorðinna ESB-borgara fór fram í algjöru myrkri og leynd. Það er fullt af földum textaskilaboðum, sem gefa til kynna það sem er líklega stærsta spillingarhneyksli í sögu Evrópusambandsins. Um er að ræða samning upp á 71 milljarð evra sem gerður var með lokuðum augum á milli ESB og Pfizer. Og Pfizer, eins og við vitum öll, hefur þegar hlotið dóm í Bandaríkjunum fyrir spillingu.
Árið 2009 tilkynnti bandaríska dómsmálaráðuneytið um „stærstu sátt vegna svika í heilbrigðisþjónustu í sögunni.“ Pfizer varð að greiða 2,3 milljarða dollara sekt „fyrir sviksamlega markaðssetningu.“
