Síðan á miðvikudag þar að sýna bólupassa til að komast inn í þýska þingið Bundestag. Fyrirkomulagið skapar þá hættu að lýðræðinu verði varpað fyrir róða, þar sem sú valdasamsetning, sem kjósendur hafa kosið, nær ekki fram þar sem krafan um bólusetningu slær misjafnt á flokkana.
Verst lítur ástandið út fyrir Valkost við Þýskaland AfD, því fleiri eru hlutfallslega óbólusettir í þeim flokki í samanburði við aðra. Þingmenn flokksins mótmæltu nýlega bólusetningarskyldunni með því að halda á skiltum með orðunum: „Frelsi í stað sundrungar / Freiheit statt spaltung.“
Aðgangur er ekki leyfður í þingsal eða fundarherbergi einstakra nefnda. Óljóst er hvort þingmenn hafi möguleika á að taka þátt á fundum gegnum netið og kjósa en atkvæði þingmanna falla niður í fjarveru þeirra frá þinginu.
Ríkisstjórnin ásökuð um pólitískar ofsóknir
Ríkisstjórnin er ásökuð um pólitískar ofsóknir m.a. gegn AfD, því jafnvel fullbólusettum þingmönnum AfD hefur verið hótað brottrekstri af þingi vegna þöglu plakatamótmælanna. Ríkisstjórnin segir slík mótmæli þingmanna á þinginum vera ólögleg.
Mótmæli hafa einnig verið í Þýskalandi eins og í öðrum löndum gegn takmörkunum og bólupassa og þeirri íhlutun í mannréttindi, sem slíkar þvinganir hafa. Gagnrýnendur segja að nýjar reglur þingsins geta jafnvel verið enn þá allvarlegri, þar sem þær ógna lýðræðislegum vinnubrögðum og geta kollvarpað lýðræðinu. Rætt er um að skerpa kröfur gegn þeim sem hafa haft covid s.l. sex mánuði og reiknast sem ónæmir niður í þrjá mánuði.
Sífellt meiri efasemdir um bólupassann
Sífellt koma fram meiri efasemdir um að bólupassi sé raunhæf aðgerð gegn smiti og koma athugasemdir frá smitsjúkdómalæknum og öðrum sérfræðingum. Bólusettir smitast jafnt sem óbólusettir og bóluefnin veita litla sem enga vörn gegn omikron.
Ýmsir telja, að meiri smithætta stafi af bólusettum, þar sem þeir telja sig öruggari og umgangast aðra með væg einkenni eins og kvef og og smiti.