Hið svokallaða covid bóluefni hefur líklega gert meiri skaða en gagn og „glæpsamlegast“ af öllu er, að fólk sem hafði þegar fengið sjúkdóminn og þróað eigið ónæmi á eðlilegan hátt, var samt sem áður hvatt til að taka sprautuna. Það segir breski hjartalæknirinn Aseem Malhotra í viðtali við Jan Jekielek hjá Epoch Times (sjá myndband neðar á síðunni). Aseem Malhotra læknir segir að það sé „handan þess sem glæpsamlegt sé.“
Hinn frægi breski hjartalæknir Aseem Malhotra kemur með margar athyglisverðar yfirlýsingar í viðtalinu við The Epoch Times. Hann heldur því meðal annars fram að „bóluefnið“ gegn covid-19 hafi líklega gert meiri skaða en gagn. Margir lifa í þeirri fölsku trú að aukaverkanir séu sjaldgæfar. Því miður er það ekki þannig. Malhotra gengur gegn þeim sem telja að „bóluefnið“ hafi stöðvað svokallaðan heimsfaraldur:
„Þeir hafa líka ranga skynjun á ávinningnum. Covid stökkbreyttist óháð bóluefninu. Það er orðið mildara. Það er það sem gerist með svona veirur. Um daginn var ég spurður, hvort við hefðum verið í betri eða verri stöðu án bóluefnisins. Satt best að segja, þá vitum við það ekki. En ég held að við hefðum verið í betri stöðu ef við hefðum alls ekki fengið bóluefnið. Þá hefðum við sennilega skaðað fólk í minna mæli.“
Samkvæmt Aseem Malhotra er meiri hætta á að þjást af alvarlegum bóluefnisskaða en að lenda á sjúkrahúsi vegna covid. Slembiraðað úrtak samanburðarrannsókna hefur þegar sýnt það, segir Malhotra.
„Og það var á upprunalegu Wuhan afbrigðinu, hugsaðu um það. Í hættulegustu bylgjunni var hún enn skaðlegri. Veiran hefur stökkbreyst og orðið hættuminni en þú ert með sama skaða af bóluefninu. Það eru mjög sterk rök fyrir því að samfélög hefðu staðið sig mun betur án þessarar mRNA tækni.“
Hann telur að bóluefnin hafi haft „mikil neikvæð áhrif“ á heilsu fólks. Á sama tíma hefur það dregið úr trausti á læknastéttinni. Malhotra telur, að það versta af öllu – „glæpsamlegast“ allra hluta – er að fólk með náttúrulegt ónæmi fyrir covid, þ.e. fólk sem hafði þegar fengið sjúkdóminn, var hvatt til að bólusetja sig.
„Það glæpsamlegasta var að hvetja fólk, sem hafði náttúrulegt ónæmi til að taka bóluefnið. Sumar vísbendingar benda til þess að þú sért þrisvar sinnum líklegri til að fá alvarlegar aukaverkanir ef þú hefur þegar fengið covid og ert að taka bóluefnið. Sérstaklega á fyrstu mánuðum. Þetta er umfram það að vera glæpsamlegt. Nefnum það bara það sem það er.“
Samkvæmt Aseem Malhotra eru lyfjarisarnir „geðsjúk fyrirtæki.“
Horfðu á viðtalið á myndbandinu hér að neðan:
