Breskur eðlisfræðingur: „Loftslagsváin“ er goðsögn búin til af Sameinuðu þjóðunum

Guterres aðalritari Sameinuðu þjóðanna sagði á loftslagsráðstefnunni COP27, að „við“ þ.e.a.s mannkynið „væri á hraðbraut til loftslagshelvítis.“ Mynd: Gerd Altmann frá Pixabay.

Eðlisfræðingurinn Brian Catt segir í viðtali við breska TalkTV (sjá tíst neðar á síðunni), að loftslagsváin sé í raun goðsögn búin til af Sameinuðu þjóðunum. Hann segir að loftslagsbreytingarnar séu að mestu leyti fullkomlega eðlilegar.

Stóra loftslagsgabbið

Undir fyrirsögninni „Stóra loftslagsgabbið?“ tók TalkTV viðtal við eðlisfræðinginn Brian Catt, sem segir ljóst, að fólk þurfi engan veginn að örvænta vegna loftslagsbreytinganna. Brian Catt segir:

„Tökum því bara rólega. Ef eðlileg saga jarðar er skoðuð, sem hefur verið til löngu áður en þessar loftslagsgoðsagnir voru búnar til af SÞ, þá má sjá að það sem er að gerast núna er nánast fullkomlega eðlilegt. Síðustu 10.000 ár eru hlýskeið innan ísaldarlotu sem fer upp og niður um eina gráðu við miðbaug og tvær við pólinn, á þúsund ára fresti. Og það er alveg eðlilegt. Aukningin er ekki óeðlileg, hún er um eina gráðu á öld.“

„Líkönin“ sem sagt er að sýni loftslagsvá og loftslagsaðgerðasinnar byggja stefnu sína á, eru ekki rétt að mati Catt. Líkönin nota rangar forsendur og gefa því rangar niðurstöður.

„Forsendurnar sem þeir setja inn í líkönin eru rangar. Rusl inn verður rusl út. Þeir ganga meðal annars út frá því, að ekki sé um neinar eðlilegar breytingar að ræða. Ef breytingin sem þeir tengja við koltvísýring er raunverulega eðlileg, þá er ekki um frekari breytingar að ræða. Það sem gerist samkvæmt líkönunum gerist ekki í raunveruleikanum.“

1 gráða yfir það kaldasta undanfarin 10 þúsund ár

Samkvæmt Brian Catt eru gróðurhúsaáhrifin mjög lítil. Það eru aðrir hlutir sem hafa miklu meira áhrif eins og sólin og þyngdaraflið. Hann bendir á, að þar eru höfin og skýin sem stjórna loftslagsstöðugleika jarðar. Fólk er þannig í hræðslukasti algjörlega að óþörfu. Jörðin hefur aðeins hlýnað á síðustu 150 árum. Það er engin tilviljun, að loftslagssinnar telja nákvæmlega frá árinu 1850, að sögn eðlisfræðingsins. Það er vegna þess, að það er lægsti punktur í þúsundir ára. Þess vegna er það notað sem upphafspunktur.

„Við erum einni gráðu yfir því kaldasta sem hefur verið á síðustu 10.000 árum. Það er líka athyglisvert að það er tveimur gráðum kaldara miðað við það hlýjasta, sem hefur verið á síðustu 8.000-10.000 árum, sem var egypska og mínóíska tímabilið.“

„Ef farið er enn lengra aftur í mannkynssöguna hefur loftslagið verið enn hlýrra. Fyrir um 130.000 árum var hitinn sex gráðum hlýrri. Þá voru flóðhestar og fílar á sama svæði og Thames er í dag. Þetta er vel þekkt. Það er náttúrusaga. Og þá var til fólk. Við erum hitabeltistegund.“

Loftslagsstefna Svíþjóðar hrein sjálfspynting

Sífellt fleiri efast um hina opinberu frásögn um loftslagið og þeirri bókstafstrú sem henni fylgir. Jimmie Åkesson, leiðtogi Svíþjóðardemókrataflokksins, hefur sagt að stefna Svíþjóðar í loftslagsmálun væri „hrein sjálfspynting“ sem einungis eyðileggur landið og gerir fólkið fátækt. Aðrir ganga enn lengra og halda því fram, að loftslagsmálin séu svik nýaðals með kommúníska hugmyndafræði sem reynir að dreifa auði og byggja upp hnattrænt heimsveldi og að það sé engin tilviljun, að loftslagsstefnan geri fólk fátækt heldur sé það einmitt ætlunin. Beinlínis er tekið fram að afnema eigi einkaeign í nafni loftslagsins. Gera á fólk ófrjálst og háð alþjóðlegu valdi.

Deila þessari frétt á samfélagsmiðla

Deila