Dagbók lögreglu: Eignarspjöll og akstur undir áhrifum

Nokkur erill var hjá lögreglu í nótt og talsvert um að verið væri að brjóta rúður og valda eignarspjöllum auk þess sem þó nokkrir voru stöðvaðir fyrir akstur undir áhrifum vímuefna. Hér að neðan má sjá helstu málin sem komu upp í nótt og lögregla færði til bókar.

  • Lögreglustöð 1Miðborg, Vesturbær og Seltjarnarnes

Tilkynnt um aðila sem neituðu að yfirgefa gistiheimili í hverfi 101. Aðilunum vísað út af lögreglu án vandræða.

Tilkynnt um rúðubrot í verslun í hverfi 108. Lögregla sinnti en gerandinn reyndist vera farinn af vettvangi.

Tilkynnt um aðila að ónáða fólk á veitingastað í hverfi 105. Aðilanum vísað út af lögreglu án vandræða.

  • Lögreglustöð 2Hafnarfjörður

Ökumaður handtekinn í hverfi 221 grunaður um akstur undir áhrifum áfengis og ávana- og fíkniefna. Ökumaður færður á lögreglustöð í hefðbundið ferli.

Tveir ökumenn stöðvaðir fyrir of hraðan akstur í hverfi 210 og mega ökumenn eiga von á sekt.

Skráningarmerki tekin af einni bifreið.

  • Lögreglustöð 3Kópavogur og Breiðholt

Tilkynnt um tvo grímuklædda og grunsamlega aðila á rafhlaupahjólum í hverfi 200. Lögregla sinnti og reyndist þetta vera tveir menn að tína upp dósir og flöskur.

Tilkynnt um eignaspjöll á bifreið í hverfi 111. Lögregla sinnti og málið í rannsókn.

  • Lögreglustöð 4Árbær, Grafarholt og Kjalarnes

Tilkynnt um umferðarslys í hverfi 110. Ein bifreið hafnaði utan vegar við Rauðavatn og varð bifreiðin alelda. Einn aðili fluttur á slysadeild til frekari aðhlynningar.

Ökumaður handtekinn í hverfi 112 grunaður um akstur undir áhrifum áfengis,  ávana- og fíkniefna og að aka sviptur ökuréttindum sínum. Ökumaðurinn var færður á lögreglustöð í hefðbundið ferli.

Ökumaður handtekinn í hverfi 110 grunaður um akstur undir áhrifum áfengis. Ökumaður færður á lögreglustöð í hefðbundið ferli.

Deila þessari frétt á samfélagsmiðla

Deila