Lagatillögur eru á Bandaríkjaþingi um róttækar breytingar á kosningafyrirkomulagi Bandaríkjanna, sem sumir telja að muni tryggja Demókrötum „einræði“ yfir tilhögun kosninga í náinni framtíð.
Í 791 síðna lagfrumvarpi H.R. 1 sem kallað er „For the People Act of 2021″ til breytinga á kosningalögum í Bandaríkjunum setja Demakratar fram hugmyndir sínar um altækar breytingar á kosningakerfinu án nokkurrar umræðu í samfélaginu. Fulltrúadeildin hefur þegar samþykkt lagatillögurnar og undirbýr að senda þær til Öldungardeildarinnar til afgreiðslu. Í lagafrumvarpinu er krafan, um að kjósendur sanni hverjir þeir eru með persónuskilríkjum, sögð vera „skerðing á kosningaréttinum“ og lagt til að einungis megi krefjast undirskriftar kjósenda og að hámarki skriflegrar yfirlýsingu þeirra, um að þeir séu þeir, sem þeir segjast vera, til þess að viðkomandi fái kosningarétt og geti kosið.
Nokkur helstu atriði lagatillagnanna:
- Alríkisstjórnin fær völdin yfir tilhögun þingkosninga, hvenær, hvar og hvernig kosningum verði háttað. Umdeilt atriði, þar sem keyrt er yfir tilmæli stjórnarskránnar um rétt ríkjanna sjálfra.
- Fullyrt að ríki og sveitarfélög „takmarki kosningaréttinn“ með kröfu um persónuskilríki með mynd, „íþyngjandi“ kjörskrám, útilokun vanhæfra kjósenda, takmörkunum á sendingu atkvæða með pósti og reglum andsnúnum atkvæðagreiðslu glæpamanna. Segir að þessi takmörkun kosningaréttar sé „form á kynþáttamismunun“ og „kerfisbundnu kynþáttahatri.“
- Lögsaga við framkvæmd laganna verði eingöngu bundin við ríkisdómstóla í Washington en Demókratar hafa trygga stöðu þar.
- Skráning kjósenda á kjörskrá verði sjálfkrafa og á netinu. Krafa gerð til ríkjanna um að „allir gjaldgengir kjósendur verði á kjörskrá“ og kjósendur geti skráð sig á netinu. Einungis verði krafist undirskriftar viðkomandi til að fá kjörseðil, ef engin gögn er um kjósendann hjá viðkomandi ríki. Yfirvöld mega einungis krefjast síðustu fjögurra talna í persónunúmeri viðkomandi.
- Vernd fyrir ólöglega innflytjendur að skrá sig á kjörskrá. Ekki verður hægt að kæra ólöglega innflytjendur ef þeir verða sjálfkrafa settir á kjörskrá og þeir hafi aldrei lýst því yfir að vera bandarískir ríkisborgarar. Kjörskrárstofur sem skrá kjósendur á kjörskrá þurfa ekki að halda til haga hverjir segjast vera bandarískir ríkisborgarar.
- Kjósendur geta breytt heimilsfangi á kjörstað fram að kjördegi.
- Kjósendur geta skráð sig á kjörskrá á sjálfum kjördegi.
- Koma í veg fyrir að farið sé gegnum kjörskrá til að hreinsa burtu kjósendur sem eru látnir eða hafa flutt annað. Gera refisvert með allt að eins árs fangelsi gagnvart „þriðja aðila“ sem dregur í efa kjörgengi kjósenda.
- Skráning einstaklinga í kosningakerfið frá og með 16 ára aldri, þrátt fyrir að kjörgengir verði að vera 18 ára eða eldri.
- Birting „afvegaleiðandi upplýsinga“ verður bönnuð í 60 daga tímabil fyrir og fram að kjördegi. „Upplýsingar“ sem draga réttmæti kosninga í efa varða viðurlögum með allt að 5 ára fangelsi. (Bannað að gagnrýna kosningakerfið).
- Allir glæpamenn hafa kosningarétt og fylkin eiga að kynna glæpamönnum réttindi sín að öðrum kosti verður dregið úr fjárframlögum til fangelsisbygginga.
- Atkvæðagreiðslur með pósti án kröfu um myndaskilríki. Ríki „mega ekki krefjast skilríkja undir neinum kringumstæðum við afhendingu atkvæðaseðla.“
- Leyfi veitt til söfununar ótakmarkaðs fjölda atkvæða fyrir aðra til að fara með á kjörstað að því tilskyldu að atkvæðaflytjandinn taki ekki borgað fyrir greiðann.
- Öll póstatkvæði með póststimpli dagsettum í síðasta lagi á kjördag gilda í tíu daga eftir kjördag.
- Fylkin gerð skyldug að greiða póstkostnað við póstþjónustu atkvæðagreiðslu, sendingu á atkvæðum kjósenda til kjörstjórnar osfrv.
- Tryggja aðgengi að atkvæðakössum allan sólarhringinn, þar sem kjósendur geta lagt atkvæði sín í – í allt að 45 daga fyrir og fram að kjördegi.
- Bannað að hindra að yfirvöld geti opnað kjörklefa hvar sem er á götum úti, torgum eða hvar sem hentar.
- Erlendir agentar sem reyna að blanda sér með áróðri í kosningarnar verða reknir úr landi.
- Leyft að frambjóðendur í ríkisembætti megi nota stuðningsframlög í eigin persónulegan kostnað (var áður talið brot á ríkislögum).
- Breyting á skipulagi Kosninganefndar ríkisins með því að fækka nefndarmönnum frá 6 niður í 5. Demokratar og Repúblikanar velja 2 hver og forsetinn þann fimmta, margir hafa lýst áhyggjum vegna málsins.
- Breytt lög um hagsmunaárekstra varaforseta og forseta til að koma í veg fyrir að Trump geti boðið sig aftur fram til forsetaembættis.
- Gert að skyldu fyrir forsetaframbjóðendur að afhenda afrit af skattaframtali sínu til kjörstjórnar eigi síðar en 15 dögum eftir að viðkomandi verður löggiltur frambjóðandi.
Sjá nánar hér