Í síðdegisútvarpinu í dag var verið að rifja upp Covid 19 faraldurinn frá 2020 og helstu atriði sem hafa komið fram vegna bólefnanna sem hafa verið notuð til að sprauta fólk en Arnþrúður Karlsdóttir ræddi við Leif Árnason flugstjóra sem er í mannréttindasamtökunum Mín leið, Mitt val sem fylgst hafa með bólusetningarmálum hér heima og erlendis. Fréttablaðið greindi frá því á forsíðu í dag að nauðsynlegt væri að fólk færi í reglulegar örvunarsprautur þrátt fyrir að faraldrinum væri lokið.
Í þættinum var rifjað upp hvernig aðdragandi bólusetninganna hófst og þegar lyfjarisarnir spruttu fram einn af öðrum með undraefni að þeirra sögn sem átti að útrýma faraldrinum líkt og um töfrasprota væri að ræða. Reyndin varð þó önnur eins og komið hefur á daginn og nú hefur fjórða sprautan verið boðuð. Þá vakti mikla athygli hvernig ríki heims hreinlega dældu fjármunum til lyfjarisanna og nánast tæmdu sjóði sína í skiptum fyrir bóluefni. Bóluefnum þar sem leynd hvílir enn yfir innihaldsefnunum þeirra og þá voru ríkin látin undirrita samninga þar sem þau tóku á sig alla ábyrgð á þeim skaða sem bóluefnin gætu mögulega valdið.
Bóluefnin eru á neyðarleyfi og ef faraldurinn er búinn þá renna neyðarleyfin út, því sé ekki ólíklegt að verið sé að klára þær birgðir sem til eru áður en leyfið rennur út. Mismunandi reglur á milli landa styðja við þetta sjónarmið t.d. í Danmörku er fólk undir 50 ára aldri ekki sprautað lengur en hér virðist enn vera horft til þess að sprauta börnin.
Lyfjarisarnir sem fengu útgefin neyðarleyfi til þess að hefjast mætti handa við bólusetningar sitja hins vegar eftir með fullar fjárhirslur af peningum. Þá vakti það einnig athygli að stofnunin sem lýsti yfir heimsfaraldrinum WHO er að stórum hluta í eigu lyfjarisa og höfðu lyfjarisar því beinna hagsmuna að gæta þegar faraldrinum var lýst yfir.
Stórir fjölmiðlar og frægar persónur voru svo í hlutverki klappstýra í gegnum faraldurinn við það að reyna að fá fólk til þess að koma og láta sprauta í sig bóluefnunum, sem vel að merkja er enn ekki vitað hvaða áhrif höfðu í raun eða hvert innihald þeirra sé.
Ef árangurinn var að fækka dauðsföllum af völdum Covid þá er ljóst að sá tilgangur hefur misheppnast því það voru frekar þeir sem voru bólusettir sem létust úr Covid heldur en óbólusettir. Þá hefur óútskýrðum skyndidauðsföllum fjölgað gríðarlega í heiminum frá því bólusetningarnar hófust, það á einnig við hér á landi. Þá hefur verið tilkynnt um milljónir aukaverkana vegna bóluefnanna.
Hlusta má á þáttinn í spilaranum hér að neðan
